‘దత్తత బాలుడిని అప్పగించాలన్న తీర్పును రద్దు చేయండి’

జగిత్యాలకు చెందిన దంపతుల నుంచి శిశు సంరక్షణ అధికారులు తీసుకెళ్లిన దత్తత బాలుడిని తిరిగి వారికి అప్పగించాలన్న హైకోర్టు సింగిల్‌ జడ్జి తీర్పుపై రాష్ట్ర ప్రభుత్వం అప్పీలు దాఖలు చేసింది.

హైదరాబాద్‌, నవంబర్‌ 4 (నమస్తే తెలంగాణ): జగిత్యాలకు చెందిన దంపతుల నుంచి శిశు సంరక్షణ అధికారులు తీసుకెళ్లిన దత్తత బాలుడిని తిరిగి వారికి అప్పగించాలన్న హైకోర్టు సింగిల్‌ జడ్జి తీర్పుపై రాష్ట్ర ప్రభుత్వం అప్పీలు దాఖలు చేసింది. ఈ ఉత్తర్వులను సవాలు చేస్తూ మహిళా-శిశు సంక్షేమ శాఖ ముఖ్య కార్యదర్శి హైకోర్టులో అప్పీలు దాఖలు చేశారు. హైకోర్టు తాత్కాలిక చీఫ్‌ జస్టిస్‌ శ్యాంకోశీ, జస్టిస్‌ చలపతిరావు ధర్మాసనం విచారణ చేపట్టింది. తదుపరి విచారణను ఈ నెల 18కి వాయిదా వేసింది.