వియత్నాంకు 40 మంది టీచర్లు.. నేటి నుంచి 17 వరకు పర్యటించనున్న బృందం

అంతర్జాతీయ స్థాయి విద్యా విధానాలపై అవగాహన కల్పించడంలో భాగంగా రాష్ర్టానికి చెందిన 40 మంది టీచర్ల బృందం వియత్నాం దేశంలో పర్యటించనున్నది.

హైదరాబాద్‌, అక్టోబర్‌ 10 (నమస్తే తెలంగాణ): ఈ నెల 11 నుంచి 17 వరకు ఐదు రోజులపాటు సాగనున్నది. విద్యార్థి కేంద్రీకృత బోధనా పద్ధతులు, సమ్మిళిత విద్య, పాఠ్యప్రణాళిక అమలు, పరీక్షలు, మూల్యాంకనం, ఉపాధ్యాయుల శిక్షణ వంటి అంశాలపై అధ్యయనం చేయనున్నారు.

ఇప్పటికే సింగపూర్‌కు రెండు బృందాలు, ఫిన్లాండ్‌, జపాన్‌ దేశాలకు ఒక్కో బృందం చొప్పున విద్యాశాఖ పంపించింది. ఈ క్రమంలో 160 మంది టీచర్లు ఆయా దేశాల్లో పర్యటించి వచ్చారు. ఇక వియత్నాం బృందానికి సమగ్రశిక్షా జాయింట్‌ డైరెక్టర్‌ బీ వెంకటనర్సమ్మ నేతృత్వం వహించనున్నారు.