స్వల్ప కాలంలో అధిక దిగుబడి

కందుల దిగుబడిని పెంచడమే లక్ష్యంగా ఒడిశాలో ఇక్రిశాట్‌ చేపట్టిన పైలట్‌ ప్రాజెక్టు సత్ఫలితాలను ఇచ్చింది. దీంతో స్వల్ప కాలంలో అధిక దిగుబడిని ఇవ్వడంతోపాటు తెగుళ్లను సమర్థంగా నియంత్రించగలిగే నూతన బ్రీడింగ్‌ విధానాన్ని అందుబాటులోకి తెచ్చింది.

• కంది సాగుకు ఇక్రిశాట్‌ కొత్త విధానం
• ఒడిశాలో పైలట్‌ ప్రాజెక్టు విజయవంతం

హైదరాబాద్‌ సిటీబ్యూరో, ఫిబ్రవరి 20 (నమస్తే తెలంగాణ): కందుల దిగుబడిని పెంచడమే లక్ష్యంగా ఒడిశాలో ఇక్రిశాట్‌ చేపట్టిన పైలట్‌ ప్రాజెక్టు సత్ఫలితాలను ఇచ్చింది. దీంతో స్వల్ప కాలంలో అధిక దిగుబడిని ఇవ్వడంతోపాటు తెగుళ్లను సమర్థంగా నియంత్రించగలిగే నూతన బ్రీడింగ్‌ విధానాన్ని అందుబాటులోకి తెచ్చింది. దేశంలో కందుల వినియోగం నానాటికీ పెరుగుతుండటంతో వాటి దిగుమతులు ఏటేటా అధికమవుతున్నాయి. వీటిని తగ్గించుకునేందుకు నూతన బ్రీడింగ్‌ విధానం ఉపకరిస్తుందని ఇక్రిశాట్‌ పరిశోధకులు చెప్తున్నారు. ప్రస్తుతం ప్రపంచవ్యాప్తంగా 250 రకాలకుపైగా కంది వంగడాలు ఉన్నాయని, నూతన బ్రీడింగ్‌ విధానంతో కొత్త వంగడాలను మరింత వేగంగా అభివృద్ధి చేయడానికి వీలవుతుందని అంటున్నారు.