విజయవాడ హైవే విస్తరణ పనులను చేపట్టండి

హైదరాబాద్‌విజయవాడ జాతీయ రహదారి విస్తరణ పనులను త్వరితగతిన ప్రారంభించాలని ఎన్‌హెచ్‌ఏఐ చైర్మన్‌ సంతోష్‌కుమార్‌ను మంత్రి కోమటిరెడ్డి వెంకట్‌రెడ్డి కోరారు.

• ఎన్‌హెచ్‌ఏఐ చైర్మన్‌ను కోరిన మంత్రి కోమటిరెడ్డి

హైదరాబాద్‌, అక్టోబర్‌ 12 (నమస్తే తెలంగాణ) : హైదరాబాద్‌విజయవాడ జాతీయ రహదారి విస్తరణ పనులను త్వరితగతిన ప్రారంభించాలని ఎన్‌హెచ్‌ఏఐ చైర్మన్‌ సంతోష్‌కుమార్‌ను మంత్రి కోమటిరెడ్డి వెంకట్‌రెడ్డి కోరారు. సోమవారం ఢిల్లీలో సంతోష్‌కుమార్‌యాదవ్‌తో మంత్రి భేటీ అయ్యారు. హైదరాబాద్‌-విజయవాడ హైవేను నాలుగు లేన్ల నుంచి ఆరు లేన్ల రహదారిగా, ఇరువైపులా రెండు సర్వీస్‌ రోడ్లుగా విస్తరించే పనులను చేపట్టాలని విజ్ఞప్తి చేశారు.

సానుకూలంగా స్పందించిన సంతోష్‌కుమార్‌ ఈ ప్రాజెక్టు టెండర్ల దాఖలుకు నవంబర్‌ 11 చివరి తేదీగా నిర్ణయించినట్టు తెలిపారు. 2027 జనవరి నాటికి పనులు ప్రారంభిస్తామని హామీ ఇచ్చారు.