ట్రాఫిక్‌ చలాన్లపై భారీగా మినహాయింపు

పెండింగ్‌ ట్రాఫిక్‌ చలాన్లు, చిన్న కాంపౌండబుల్‌ కేసుల పరిష్కారం కోసం ఈ నెల 13న దేశవ్యాప్తంగా జాతీయ లోక్‌అదాలత్‌ నిర్వహించనున్నారు. ఈ కార్యక్రమం ద్వారా అనేక రాష్ర్టాల్లో 50 నుంచి 100శాతం వరకు మినహాయింపు ఇచ్చే అవకాశం ఉన్నది.

• 50 నుంచి 100శాతం వరకు తగ్గించే అవకాశం

హైదరాబాద్‌, నవంబర్‌ 30 (నమస్తే తెలంగాణ) : పెండింగ్‌ ట్రాఫిక్‌ చలాన్లు, చిన్న కాంపౌండబుల్‌ కేసుల పరిష్కారం కోసం ఈ నెల 13న దేశవ్యాప్తంగా జాతీయ లోక్‌అదాలత్‌ నిర్వహించనున్నారు. ఈ కార్యక్రమం ద్వారా అనేక రాష్ర్టాల్లో 50 నుంచి 100శాతం వరకు మినహాయింపు ఇచ్చే అవకాశం ఉన్నది.

హెల్మెట్‌, సీట్‌బెల్ట్‌ ధరించకపోవడం, సిగ్నల్‌ జంపింగ్‌, తప్పుడు పార్కింగ్‌, ఓవర్‌స్పీడ్‌, పీయూసీ మిస్సింగ్‌, పాత ఈ-చలాన్లు వంటి ఉల్లంఘనలను అక్కడికక్కడే పరిష్కరించుకునే వెసులుబాటు కల్పించనున్నారు. ఈ అవకాశాన్ని రాష్ట్ర పౌరులు సద్వినియోగం చేసుకోవాలని రాష్ట్ర పోలీసుశాఖ తెలిపింది.