Visit:
హైదరాబాద్‌, నవంబర్‌ 30 (నమస్తే తెలంగాణ): రాష్ట్రంలోని హోంగార్డులకు ఎట్టకేలకు పోలీస్‌ శాఖ శుభవార్త చెప్పింది. డిసెంబర్‌ 6న రాష్ట్రవ్యాప్తంగా హోంగార్డుల రైజింగ్‌డే నిర్వహించాలని నిర్ణయించింది. ఈ మేరకు రాష్ట్ర పోలీస్‌ డైరెక్టర్‌ జనరల్‌ కార్యాలయం నుంచి అన్ని యూనిట్లకు ఆదివారం ఉత్తర్వులు జారీ అయ్యాయి. ప్రజాభద్రత, విపత్తు ప్రతిస్పందన, ట్రాఫిక్‌ నియంత్రణ, శాంతిభద్రతల నిర్వహణలో హోంగార్డుల సేవలను గుర్తించాల్సిన అవసరం ఉన్నదని ఆ సర్యులర్‌లో డీజీపీ శివధర్‌రెడ్డి పేరొన్నారు. హోంగార్డుల సేవలను గుర్తించని కాంగ్రెస్‌ ప్రభుత్వం వారిని అవమానిస్తూ.. నిరుడు కూడా రైజింగ్‌డే నిర్వహించలేదు. దీంతో వేలాది మంది హోంగార్డులు తీవ్ర అభ్యంతరం వ్యక్తంచేశారు.
ఈ సారి కూడా వారం ముందే ఏర్పాట్లు చేసుకోవాల్సి ఉండగా.. అటువంటి ముందస్తు చర్యలేవీ చేపట్టలేదు. దీంతో ‘హోంగార్డుల రైజింగ్‌ డే నిర్వహిస్తారా? లేదా?’ అన్న శీర్షికన ‘నమస్తే తెలంగాణ’లో ప్రత్యేక కథనం ప్రచురితమైంది. ‘హోంగార్డులకు ఆరోగ్య భద్రత కరువు’ శీర్షికన హోంగార్డుల మరణాలపై శనివారం నాటి సంచికలో మరో కథనం వచ్చింది. హోంగార్డుల వెతలపై వరుస కథనాలు రావడంతో ప్రభుత్వం స్పందించింది. ఈ మేరకు రైజింగ్‌ డే నిర్వహించేలా పోలీస్‌ శాఖతో సర్క్యూలర్‌ జారీ చేయించింది.
హోంగార్డులతో క్రమశిక్షణతో కూడిన రైజింగ్‌ డే పరేడ్‌ నిర్వహించాలని, సీనియర్‌ అధికారులు పరేడ్‌ను తనిఖీ చేసి, హోంగార్డుల నుంచి గౌరవ వందనం స్వీకరించాలని డీజీపీ పేర్కొన్నారు. అలాగే ఆ సీనియర్‌ అధికారి హోంగార్డుల అంకితభావాన్ని గుర్తించి, వారి సంక్షేమం, నైపుణ్యాభివృద్ధి, వారికి అందించే నిరంతర మద్దతును ఉద్దేశించి ప్రసంగించాలని ఆదేశించారు. శాంతిభద్రత లు, ట్రాఫిక్‌, క్రైమ్‌ నివారణ, కమ్యూని టీ పోలీసింగ్‌, విపత్తు నిర్వహణ వంటి విభాగాల్లో అత్యుత్తమ పనితీరు కనబర్చి న హోంగార్డులను గుర్తించి వారికి ప్రశంసాపత్రాలు అందించాలని సూచించా రు. సాధ్యమైన చోట్ల హోంగార్డుల్లో క్రీ డాస్ఫూర్తిని చాటేందుకు వాలీబాల్‌, క బడ్డీ, రన్నింగ్‌ వంటి స్నేహపూర్వక క్రీడా కార్యక్రమాలను నిర్వహించాలని ఆదేశించారు. రక్తదాన శిబిరాలు, కార్యాలయాను శుభ్రపరిచే కార్యక్రమాలు, మొ క్కల నాటడం, ఇతర ప్రజా అవగాహన కార్యక్రమాలు చేపట్టాలని సూచించారు.
అన్ని యూనిట్లలోని ప్రధాన పోలీస్‌ కార్యాలయాల్లో, పరేడ్‌ మైదానాల్లో హోంగార్డుల రైజింగ్‌ డే బ్యానర్లను ప్రదర్శించాలని డీజీపీ సూచించారు. హోంగార్డుల నిజమైన సమస్యలను గుర్తించేందుకు చిన్న ఇంట్రాక్టివ్‌ సెషన్‌ నిర్వహించి, అవసరమైన వారిని ప్రధాన కార్యాయాలనికి పంపాలని సూచించారు. ఈ మేరకు తమ సమస్యల పట్ల సానుకూలంగా స్పందించిన డీజీపీ శివధర్‌రెడ్డికి హోంగార్డులు కృతజ్ఞతలు తెలిపారు. సమస్యలు వెలుగులోకి తీసుకొచ్చిన ‘నమస్తే తెలంగాణ’కు ధన్యవాదాలు తెలిపారు.
