Rain alert | మూడు రోజులు భారీ వర్షాలు.. 16 జిల్లాలకు హెచ్చరికలు జారీ

రాష్ట్రంలో మరో మూడు రోజులు భారీ వర్షాలు కురుస్తాయని హైదరాబాద్‌ వాతావరణ కేంద్రం హెచ్చరించింది. ఈ మేరకు 16 జిల్లాలకు ఆరెంజ్‌ అలెర్ట్‌ జారీ చేసింది.

Rain alert | హైదరాబాద్‌, ఏప్రిల్‌ 28 (నమస్తే తెలంగాణ): రాష్ట్రంలో మరో మూడు రోజులు భారీ వర్షాలు కురుస్తాయని హైదరాబాద్‌ వాతావరణ కేంద్రం హెచ్చరించింది. ఈ మేరకు 16 జిల్లాలకు ఆరెంజ్‌ అలెర్ట్‌ జారీ చేసింది. శని, ఆదివారాల్లో వర్షాలు పడే సూచనలున్నాయని పేర్కొన్నది. ఆది, సోమవారాల్లో ఆదిలాబాద్‌, కుమ్రంభీం ఆసిఫాబాద్‌, మంచిర్యాల, నిర్మల్‌, ఖమ్మం, నల్లగొండ, ఖ మ్మం, సూర్యాపేట, మహబూబాబాద్‌, వరంగల్‌, హన్మకొండ, యాదాద్రి భువనగిరి, నాగర్‌కర్నూల్‌, వనపర్తి, నారాయణపేట, జోగులాంబ గద్వాల జిల్లాల్లో అక్కడక్కడ వడగండ్ల వానలు కురుస్తాయని, ఆ మేరకు ఆ జిల్లాలకు ఆరెంజ్‌ అలెర్ట్‌ను జారీ చేసింది. మిగతా ప్రాంతాలకు ఎల్లో అలెర్ట్‌ను జారీ చేసింది. అలాగే, రేపు, ఎల్లుండి అధిక గరిష్ఠ ఉష్ణోగ్రతలు నమోదయ్యే అవకాశం ఉంది.