హ్యాపీ ఫాదర్స్‌ డే డాడ్‌.. కేటీఆర్‌ ఫాదర్స్‌డే శుభాకాంక్షలు

ఫాదర్స్‌ డేను పురస్కరించుకొని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ తన తండ్రి కేసీఆర్‌పై గౌరవం, అభిమానాన్ని వ్యక్తంచేశారు. ‘హ్యాపీ ఫాదర్స్‌ డే డాడ్‌' అంటూ ఆదివారం ఎక్స్‌ వేదికగా శుభాకాంక్షలు తెలిపారు. ఈ సందర్భంగా ప్రత్యేక సందేశాన్ని విడుదల చేశారు.

• కేసీఆర్‌ కుమారుడిగా పుట్టడం నా అదృష్టం

హైదరాబాద్‌, జూన్‌ 21(నమస్తే తెలంగాణ) : ఫాదర్స్‌ డేను పురస్కరించుకొని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ తన తండ్రి కేసీఆర్‌పై గౌరవం, అభిమానాన్ని వ్యక్తంచేశారు. ‘హ్యాపీ ఫాదర్స్‌ డే డాడ్‌’ అంటూ ఆదివారం ఎక్స్‌ వేదికగా శుభాకాంక్షలు తెలిపారు. ఈ సందర్భంగా ప్రత్యేక సందేశాన్ని విడుదల చేశారు. కేసీఆర్‌ను కోట్లాది తెలంగాణ ప్రజలకు హీరోగా అభివర్ణించారు. ‘ఆయన కుమారుడిగా పుట్టడం నా అదృష్టం.. పూర్వజన్మ సుకృతం’ అని పేర్కొన్నారు.

మహానేత నాయకత్వంలో నేర్చుకొనే అవకాశం దక్కడం తన భాగ్యమని, ఆయనను తండ్రిగా పిలుచుకోవడం గర్వకారణమని పేర్కొన్నారు. తనకు స్ఫూర్తిప్రదాత అని కొనియాడారు. ‘మీ విలువలు, దూరదృష్టి, వారసత్వం ఎల్లప్పుడూ నాకు మార్గదర్శకంగా నిలుస్తాయి. మీ నమ్మకాన్ని నిలబెట్టేందుకు శాయశక్తులా కృషిచేస్తా’నని స్పష్టంచేశారు.