Vanam-PV Ghanam | ‘వనం-పీవీ ఘనం ’ పుస్తకాన్ని ఆవిష్కరించిన గవర్నర్

Vanam-PV Ghanam | ఎమ్మెల్సీ సురభి వాణీదేవి రచించిన ‘వనం- పీవీ ఘనం అనే పుస్తకాన్ని గవర్నర్ శివ ప్రతాప్ శుక్లా శుక్రవారం ఆవిష్కరించారు.

హైదరాబాద్‌ : ఎమ్మెల్సీ సురభి వాణీదేవి రచించిన ‘వనం- పీవీ ఘనం ( Vanam-PV Ghanam) అనే పుస్తకాన్ని గవర్నర్ శివ ప్రతాప్ శుక్లా ( Governor Shiv Pratap Shukla ) శుక్రవారం ఆవిష్కరించారు. బేగంపేటలోని శ్రీ రామానంద తీర్ధ మెమోరియల్‌లో ఏర్పాటు చేసిన కార్యక్రమంలో పాల్గొన్న ఎమ్మెల్యే తలసాని శ్రీనివాస్ యాదవ్ ( Talasani Srinivas Yadav ) , ఎమ్మెల్సీ సురభి వాణీదేవి ( MLC Surabhi Vani Devi ) ,శాసనమండలి వైస్ చైర్మన్ బండ ప్రకాష్ తదితరులు పాల్గొన్నారు.

భారతరత్న, మాజీ ప్రధాని పివి నరసింహ రావు పర్యావరణ పరిరక్షణ కోసం ఎంతో కృషి చేశారని, ఆయన స్పూర్తితో ఆయన కుమార్తె ముందుకు సాగడం అభినందనీయం అన్నారు. రామానంద తీర్ధ మెమోరియల్ ఆధ్వర్యంలో పేద విద్యార్థులకు విద్యాబోధన, ఇతర సేవా కార్యక్రమాలను నిర్వహిస్తున్న విషయాన్ని గుర్తు చేశారు. కార్యక్రమంలో మాజీ కార్పొరేటర్ టి. మహేశ్వరి, నిర్వాహకులు ప్రభాకర్, చంద్రశేఖర్, నాయకులు టి. శ్రీహరి, శ్రీనివాస్ గౌడ్, శేఖర్, ఆరీఫ్ తదితరులు పాల్గొన్నారు.