నవ వధువుపై నకిలీబాబా లైంగికదాడి

యువతిపై ఓ నకిలీ బాబా అఘాత్యానికి ఒడిగట్టాడు. దయ్యం వదిలిస్తానని నమ్మించి, లైంగికదాడి చేశాడు. ఈ ఘటన పాతబస్తీలో ఆలస్యంగా వెలుగు చూసింది. బుధవారం బండ్లగూడ ఇన్‌స్పెక్టర్‌ షాకీర్‌అలీ వివరాలను వెల్లడించారు. భవానీనగర్‌ ప్రాంతంలో నివసించే ఓ యువతికి మూడు నెలల క్రితం పెండ్లి జరిగింది. ఆమెకు ఆరోగ్యం సరిగా లేకపోవడంతో అత్తామామ వైద్యం కోసం బండ్లగూడలో ఉండే మదర్‌ఖాన్‌(35) వద్దకు తీసుకెళ్లారు.

• దయ్యం వదిలిస్తానని అఘాయిత్యం
• ఆలస్యంగా వెలుగులోకి ..

చాంద్రాయణగుట్ట, ఆగస్టు 30: యువతిపై ఓ నకిలీ బాబా అఘాత్యానికి ఒడిగట్టాడు. దయ్యం వదిలిస్తానని నమ్మించి, లైంగికదాడి చేశాడు. ఈ ఘటన పాతబస్తీలో ఆలస్యంగా వెలుగు చూసింది. బుధవారం బండ్లగూడ ఇన్‌స్పెక్టర్‌ షాకీర్‌అలీ వివరాలను వెల్లడించారు. భవానీనగర్‌ ప్రాంతంలో నివసించే ఓ యువతికి మూడు నెలల క్రితం పెండ్లి జరిగింది. ఆమెకు ఆరోగ్యం సరిగా లేకపోవడంతో అత్తామామ వైద్యం కోసం బండ్లగూడలో ఉండే మదర్‌ఖాన్‌(35) వద్దకు తీసుకెళ్లారు.

ఆమెకు దయ్యం పట్టిందని, మంత్రాలతో వదిలిస్తానని బాబా నమ్మించాడు. పలుమార్లు యువతి ఇంటికి వెళ్లిన బాబా, గత నెల రెండో వారంలో బండ్లగూడలోని తన ఇంటికి రమ్మని చెప్పాడు. ఇంటికి వచ్చిన తర్వాత అత్తామామను ఇంటి బయట ఉంచి, యువతిని ఇంట్లోకి తీసుకెళ్లి, కండ్లకు గంతలు కట్టి ఆమెపై లైంగికదాడి చేశాడని బాధితురాలి తల్లి గత నెల 19న భవానీనగర్‌ పోలీసులకు ఫిర్యాదు చేసింది. ఆ కేసును మూడు రోజుల క్రితం భవానీనగర్‌ పీఎస్‌ నుంచి బండ్లగూడ ఠాణాకు బదిలీ చేశారు. బండ్లగూడ పోలీసులు రంగంలోకి దిగి, నకిలీబాబా మహారాష్ట్ర నుంచి పాతబస్తీకి వచ్చినట్టు తెలుసుకున్నారు. విషయం తెలుసుకొని నకిలీబాబా పారిపోయినట్టు పోలీసులు తెలిపారు. త్వరలోనే అదుపులోకి తీసుకుంటామని ఇన్‌స్పెక్టర్‌ తెలిపారు.