రూ.400 కోట్ల సైబర్‌ మోసాల గుట్టురట్టు

దేశవ్యాప్తంగా వందలాది మందిని ఆన్‌లైన్‌ మోసాలతో బురిడీ కొట్టించి, వారి నుంచి వసూలు చేసిన సొమ్మును మ్యూల్‌ బ్యాంకు ఖాతాలు, క్రిప్టో కరెన్సీ మార్గంలో మళ్లించిన భారీ నెట్‌వర్‌ను ఈడీ గుర్తించింది.

హైదరాబాద్‌, నవంబర్‌ 5 (నమస్తే తెలంగాణ): దేశవ్యాప్తంగా వందలాది మందిని ఆన్‌లైన్‌ మోసాలతో బురిడీ కొట్టించి, వారి నుంచి వసూలు చేసిన సొమ్మును మ్యూల్‌ బ్యాంకు ఖాతాలు, క్రిప్టో కరెన్సీ మార్గంలో మళ్లించిన భారీ నెట్‌వర్‌ను ఈడీ గుర్తించింది.

ఈ వ్యవహారంలో రూ.400 కోట్లకు పైగా నేరపూరిత ఆదాయం చేతులు మారినట్టు ప్రాథమిక దర్యాప్తులో వెల్లడైంది. ఈ ముఠాతో సంబంధాలున్న రోషన్‌ ఫియాజ్‌, అమర్‌లను అక్టోబర్‌ 30న అరెస్టు చేసినట్టు ఈడీ గురువారం ఓ ప్రకటనలో వెల్లడించింది.