108లో ప్రసవంపై డీఎంహెచ్‌వో సీరియస్‌

108లో ప్రసవంపై ములుగు డీఎంహెచ్‌వో అల్లెం అప్పయ్య సీరియస్‌ అయ్యారు. ‘108లోనే పురుడు.. నిరుపేదకు అందని వైద్యం’ శీర్షికన మంగళవారం ‘నమస్తే తెలంగాణ’లో ప్రచురితమైన కథనానికి ఆయన స్పందించారు. వాజేడులోని స్థానిక ప్రాథమిక ఆరోగ్య కేంద్రాన్ని సందర్శించి అటెండెన్స్‌ రిజిస్టర్లు, రికార్డులను పరిశీలించారు.

• వాజేడు పీహెచ్‌సీ సందర్శన
• వాజేడు, ఏటూరునాగారం, ములుగు వైద్యులకు షోకాజ్‌ ఇస్తున్నట్టు వెల్లడి

వాజేడు, జూన్‌ 4: 108లో ప్రసవంపై ములుగు డీఎంహెచ్‌వో అల్లెం అప్పయ్య సీరియస్‌ అయ్యారు. ‘108లోనే పురుడు.. నిరుపేదకు అందని వైద్యం’ శీర్షికన మంగళవారం ‘నమస్తే తెలంగాణ’లో ప్రచురితమైన కథనానికి ఆయన స్పందించారు. వాజేడులోని స్థానిక ప్రాథమిక ఆరోగ్య కేంద్రాన్ని సందర్శించి అటెండెన్స్‌ రిజిస్టర్లు, రికార్డులను పరిశీలించారు.

ఈ ఘటనకు బాధ్యులను చేస్తూ వాజేడు, ఏటూరునాగారం సీహెచ్‌సీ, ములుగు దవాఖాన వైద్యులకు షోకాజ్‌ నోటీసులు జారీ చేసి నివేదికను కమిషనర్‌కు అందజేయనున్నట్టు తెలిపారు. గర్భిణులను గ్రామాల వారీగా గుర్తించి పీహెచ్‌సీలు, వైద్యశాలకు తీసుకొచ్చి ప్రసవం చేయించే బాధ్యతను తీసుకోవాలని సూచించారు. వైద్య సేవలందించడంలో నిర్లక్ష్యం వహిస్తే శాఖాపరమైన చర్యలు తప్పవని హెచ్చరించారు. అనంతరం ఆశా డే సమీక్షలో పాల్గొని వైద్య సిబ్బందికి పలు సూచనలు చేశారు.