ఆమనగల్‌లో పద్మనాయకుల రేఖాచిత్రాలు

రంగారెడ్డి జిల్లా ఆమనగల్‌ మం డ లం రాంనూతుల శివారులోని అనంతగిరి గుట్టల్లోని గుహల్లో 14వ శతాబ్దం నాటి పద్మనాయకుల రేఖాచిత్రాలు (పెట్రోగ్లిఫ్స్‌)ఉన్నాయని చరిత్రకారుడు ద్యావనవల్లి సత్యనారాయణ తెలిపారు.

హైదరాబాద్‌, జూలై 21 (నమస్తే తెలంగాణ): రంగారెడ్డి జిల్లా ఆమనగల్‌ మండలం రాంనూతుల శివారులోని అనంతగిరి గుట్టల్లోని గుహల్లో 14వ శతాబ్దం నాటి పద్మనాయకుల రేఖాచిత్రాలు (పెట్రోగ్లిఫ్స్‌)ఉన్నాయని చరిత్రకారుడు ద్యావనవల్లి సత్యనారాయణ తెలిపారు. ఆమనగల్‌ దగ్గర అయ్యసాగర్‌ వీరభద్రస్వామి ఆలయానికి సమీపంలోని బ్రహ్మదేవునిగుట్ట, విష్ణుదేవునిగుట్ట(అనంతగిరి)లను పరిశీలిచినప్పుడు ఈ పెట్రోగ్లిఫ్స్‌ కనిపించినట్టు పేర్కొన్నారు.

ఇవి ఉన్న గుహలకు స్థానిక గిరిజనులు సున్నం పూశారని, దీంతో చరిత్ర పూర్వయుగపు ఆదిమమానవులు వేసిన ఎరుపు రంగు బొమ్మలు కనుమరుగైనట్టు చెప్పారు. అనంతగిరి గుహల్లో ప్రస్తుతం మూడుచోట్ల పెట్రోగ్లిఫ్స్‌ కనిపిస్తున్నాయని, వాటిలో ప్రధాన గుహ, నైరుతి గుహ, గుండు పాదం ముఖ్యమైనవి అని వివరించారు. తూర్పునకు అభిముఖంగా ఉన్న పడగరాయి కింది గుహలో గుర్రం, వినాయకుల రేఖాచిత్రాలు ఉన్నట్టు ఆయన పేర్కొన్నారు.