Gurukula Schools | గురుకుల విద్యార్థులు రోబోలా?.. 600 మంది 15నిమిషాల్లో కాలకృత్యాలు తీర్చుకోగలరా?

రాష్ట్రంలో మైనార్టీ, బీసీ, ఎస్సీ, ఎస్టీ, జనరల్‌ గురుకుల సొసైటీలన్నింటికీ ఒకే విధమైన పనివేళలను ఖరారు చేయడాన్ని ఆయా సొసైటీల్లోని ఉద్యోగ, ఉపాధ్యాయవర్గాలు ముక్తకంఠంతో నిరసిస్తున్నాయి.

• కామన్‌ టైంటేబుల్‌పై గురుకుల సిబ్బంది నిప్పులు
• 6 గంటలపాటు ఏకబిగిన పాఠాలు వినగలరా?
• పనివేళల మార్పు జీవోను ఉపసంహరించాలని ఉద్యోగ, ఉపాధ్యాయవర్గాల డిమాండ్‌

Gurukula Schools | హైదరాబాద్‌, జూలై 4 (నమస్తే తెలంగా ణ): రాష్ట్రంలో మైనార్టీ, బీసీ, ఎస్సీ, ఎస్టీ, జనరల్‌ గురుకుల సొసైటీలన్నింటికీ ఒకే విధమైన పనివేళలను ఖరారు చేయడాన్ని ఆయా సొసైటీల్లోని ఉద్యోగ, ఉపాధ్యాయవర్గాలు ముక్తకంఠంతో నిరసిస్తున్నాయి. క్షేత్రస్థాయి పరిస్థితులను పట్టించుకోకుండా, కనీసం మాటమాత్రమైన చర్చించకుండా ప్రభుత్వం ఏకపక్షంగా ఉత్తర్వులు జారీ చేయడంపై సంఘాలు భగ్గుమంటున్నాయి. కామన్‌ టైంటేబుల్‌ను వెంటనే ఉపసంహరించుకోవాలని డిమాండ్‌ చేస్తున్నా యి. ఇప్పటివరకు ఆయా సొసైటీల్లో పనివేళలు, రోజువారీ సమయపాలన పట్టికలు దేనికవే అన్నట్టుగా ఉన్నాయి. తాజాగా అన్ని గురుకులాలకు కామన్‌ టైంటేబుల్‌ను నిర్ణయిస్తూ సీఎస్‌ శాంతికుమారి ఉత్తర్వులు జారీ చేశారు. అన్ని సొసైటీలు 8గంటల నుంచి ప్రారంభించాలని ఆదేశాలు జారీ చేశారు. ప్రభుత్వం తీసుకున్న ఈ నిర్ణయాన్ని గురుకుల ఉద్యోగ, ఉపాధ్యాయసంఘాలు తీవ్రంగా ఆక్షేపిస్తున్నాయి.

ప్రభుత్వానికి ఉద్యోగ, ఉపాధ్యాయ సంఘాల ప్రశ్నలు..

• ఉదయం 5గంటలకు గురుకుల విద్యార్థులను నిద్రలేపితే, కాలకృత్యాలు, వ్యాయా మం పూర్తిచేసుకుని 7గంటల వరకు బ్రేక్‌ ఫాస్ట్‌ రెడీ కావడం చూసేందుకు బాగుంది. కానీ అది ఆచరణ సాధ్యం కాదు. కారణం ఇప్పుడు దాదాపు 600మందితో నడుస్తున్న గురుకులాలు 70శాతం ప్రైవేటు భవనాల్లో నే ఉన్నాయని, అందులో బాత్‌రూములు, నీరు, వంట గది తదితర వసతులు విద్యార్థుల సంఖ్యకు సరిపడా లేవని తెలిపారు. బ్రేక్‌ఫాస్ట్‌ రెడీ అయ్యే వరకు విద్యార్థులను పరగడుపున తరగతిగదిలో కూర్చోబెట్టాల్సి వస్తున్నదని, క్లాస్‌ మధ్యలో బ్రేక్‌ ఫాస్ట్‌కి పం పాల్సి పరిస్థితి నెలకొన్నది. ప్రభుత్వం చేసిన ఈ గంట సవరణ ఫలితం శూన్యం.
• ఉ. 8.15 నుంచి 11.15 గంటల మధ్యలో 45 నిమిషాల చొప్పున వరుసగా నాలుగు పీరియడ్స్‌ను విద్యార్థులు వినాల్సి ఉంటుం ది. ఒకసారి తరగతిగదిలో కూర్చున్న విద్యార్థి ఏకంగా 3 గంటలు కూర్చోవాలి. చాలా గురుకులాల్లో బెంచీలులేక ఇంటర్‌ విద్యార్థులూ కిందే కూర్చుంటున్నారు. ఈ పరిస్థితుల్లో ఉదయం 8 గంటల నుంచి మధ్యాహ్నం1:25 వరకు 7 పీరియడ్స్‌ ఉంటే, ఎలా ఒక స్టూడెంట్‌ భరించగలడు?
• 5, 6, 7 విద్యార్థులకు భోజన సమయం 12.45 గంటల నుంచి 1.30గంటల వరకు అంటే దాదాపు 45నిమిషాలు మాత్రమే లంచ్‌ టైమ్‌. అదే ప్రభుత్వ పాఠశాల విద్యార్థులకు క్లాస్‌లు ప్రారంభమైనప్పటి నుంచి సూల్‌ ముగిసే వరకూ యూరినల్‌ టైమ్స్‌కి గంటన్నర, మూడున్నర గంటల గ్యాప్‌లో లంచ్‌, ఆ తర్వాత గంట న్నర గ్యాప్‌లో షార్ట్‌ బ్రేక్‌ ఉన్నాయి. గురుకుల విద్యార్థులు రోబోలా? విద్యార్థుల శారీరక ధర్మాలు ఒకటే అనే విషయం మరిచిరా?
• సాయంత్రం గేమ్స్‌ తర్వాత విద్యార్థులకు పర్సనల్‌ టైమ్‌ 15 నిమిషాలు మాత్రమే. దాదాపు 600 మంది విద్యార్థులు ఉన్న గురుకులాల్లో 15 నిమిషాల్లో ఈ టాస్‌ పూర్తి చేసుకోవడం ఎలా సాధ్యం?
• మార్చిన పనివేళలు గురుకుల సిబ్బంది మానసికస్థితిపై తీవ్ర ప్రభావం చూపుతాయని, అంతిమంగా అది విద్యార్థులపైనే పడుతుందనే విషయాన్ని ప్రభుత్వం ఎలా మరిచిపోయింది..?
• గురుకులాల్లో క్వార్టర్స్‌ లేవు. పిల్లలకే నిద్రపోవడానికి రూములు చాలని దుస్థితి. ఉద్యోగులు, సిబ్బంది గురుకులాల్లోనే ఉండాలనే నిబంధన ఎలా సాధ్యమవుతుందో ప్రభుత్వమే చెప్పాలి..?
• రోడ్డు ప్రయాణం చేయడానికి వీలుగా గురుకుల పాఠశాలలు లేవు. రాత్రివేళలో మహిళా ఉపాధ్యాయులు తమ విధులు నిర్వర్తించడం ఎలా సాధ్యమవుతుంది?
• జనరల్‌ సూల్‌టీచర్‌ ఒక రోజులో చేస్తున్న పనిని గురుకుల టీచర్‌తో 1/2రోజులో చే యిస్తున్నారు? ఇంకా ఆ టీచర్‌ స్టడీ అవర్స్‌ ని ఎలాసమర్థవంతంగా నిర్వహిస్తాడు ?

ఉత్తర్వులను ఉపసంహరించుకోవాలి

అన్ని గురుకులాలకు కలిపి ఒకే విధమైన పనివేళలను నిర్ణయిస్తూ జారీ చేసిన ఉత్తర్వులను ప్రభుత్వం తక్షణమే ఉపసంహరించుకోవాలని గురుకుల ఉపాధ్యాయ, ఉద్యోగ సం ఘాలు ముక్తకంఠంతో డిమాండ్‌ చేశాయి. ప్రభుత్వ నిర్ణయాన్ని ఖండిస్తూ తెలంగాణ గవర్నమెంట్‌ ఆల్‌ రెసిడెన్షియల్స్‌ ఇన్‌స్టిట్యూట్స్‌ ఎంప్లాయీస్‌ అసోసియేషన్‌ (టిగారియా) అధ్యక్షుడు మామిడి నారాయణ, జనరల్‌ సెక్రటరీ మధుసూదన్‌, తెలంగాణ గురుకుల స్టాఫ్‌ అసోసియేషన్‌ అధ్యక్షుడు ప్రభుదాస్‌, ట్రైబల్‌ వెల్ఫేర్‌ సిబ్బంది అసోసియేషన్‌ అధ్యక్షుడు రుషికేష్‌, తెలంగాణ సాంఘిక సంక్షేమ గురుకుల ఉపాధ్యాయ, ఉద్యోగుల సంఘం (టీఎస్‌డబ్ల్యూఆర్‌టీఈఏ) అధ్యక్షుడు బాలరాజు, ప్రధాన కార్యదర్శి దయాకర్‌, టీఎస్‌ యూటీఎఫ్‌ అధ్యక్ష, ప్రధాన కార్యదర్శులు జంగయ్య, చావ రవి వేర్వేరుగా ప్రకటనలు విడుదల చేశా రు. ప్రభుత్వం నిర్ణయించిన పనివేళల్లో హేతుబద్దత, శాస్త్రీయత లేదని, ఎంతమాత్రం ఆమోదయోగ్యనీయంకాదని వ్యతిరేకించారు. ప్రభు త్వ నిర్ణయం గురుకుల ఉపాధ్యాయులపై దాడి గా అభివర్ణించారు. 33వేల మంది గురుకుల ఉపాధ్యాయుల చేతిలో లక్షల మంది పేద విద్యార్థుల భవితవ్యముందని, తాజా షెడ్యూల్‌ను అమలు చేస్తే అది విద్యార్థులకే తీరని నష్టమని హెచ్చరించారు. వెంటనే పనివేళల షెడ్యూల్‌ను ఉపసంహరించుకోవాలని ఆయా సంఘాలు డిమాండ్‌ చేశాయి.

‘సర్వీస్‌రూల్స్‌ను మార్చండి’

గురుకులాల పనివేళల మార్పుపై దృష్టి సారించిన ప్రభుత్వం అదే సమయంలో ఆయా గురుకులాల్లో ఉన్న సర్వీస్‌రూల్స్‌ మార్పుపైనా దృష్టిపెట్టాలని తెలంగాణ గురుకుల ప్రిన్సిపాల్స్‌ అసోసియేషన్‌ (టీజీపీఏ) అధ్యక్షుడు అజయ్‌కుమార్‌ డిమాండ్‌ చేశారు. పనివేళల మార్పుతో గురుకుల ఉపాధ్యాయులకు, విద్యార్థులకు పెద్దగా ఒరిగేదేమీ లేదని వివరించారు. కానీ ఒక్కో గురుకులానికి సంబంధించి ఒక్కో విధమైన సిబ్బంది సర్వీస్‌ రూల్స్‌ ఉన్నాయని గుర్తుచేశారు. రాష్ట్రంలోని 5 గురుకుల సొసైటీల్లోని ఉద్యోగ, ఉపాధ్యాయులను ఒకే రిక్రూట్‌మెంట్‌ విధానం ద్వారా భర్తీ అవుతున్నా విభిన్నమైన సర్వీస్‌రూల్స్‌ వల్ల వారు బదిలీలు, ప్రమోషన్లలో తద్వారా జీతభత్యాల్లో తీవ్ర వ్యత్యాసముంటుందని వివరించారు. ప్రస్తుతం బదిలీలు, ప్రమోషన్లు చేపడుతున్న నేపథ్యంలో వెంటనే సర్వీస్‌రూల్స్‌ను కూడా మార్చాలని టీజీపీఏ అధ్యక్షుడు అజయ్‌కుమార్‌ డిమాండ్‌ చేశారు.