గ్రామాల్లో కరోనా క్యాంపులు

- సరిహద్దు జిల్లాల్లో పటిష్ఠ చర్యలు
- కొత్త కేసులు రాకుండా ప్రణాళిక
- ప్రతి పీహెచ్సీలో రోజూ 100 మందికి పరీక్షలు
హైదరాబాద్, జూన్ 2 (నమస్తే తెలంగాణ) : రాష్ట్రంలో రోజువారీ కొవిడ్ కేసులను గణనీయంగా కట్టడి చేసిన ప్రభుత్వం.. ఇప్పుడు సరిహద్దు రాష్ర్టాల నుంచి కరోనా వైరస్ ప్రవేశించకుండా నిరోధించడంపై దృష్టి సారించింది. గ్రామాల్లో ఎక్కడికక్కడ క్యాంపులు ఏర్పాటు చేసేందుకు సిద్ధమైంది. మరోవైపు వైద్యారోగ్యశాఖ ఉన్నతాధికారులు జిల్లాల్లో పర్యటించి అక్కడి అధికార యంత్రాంగాన్ని అప్రమత్తం చేస్తున్నారు. సరిహద్దు జిల్లాల్లో వైరస్ కట్టడి చర్యలను పకడ్బందీగా అమలు చేయాలని సీఎం కేసీఆర్ ఆదేశించడంతో అధికారులు ఆ దిశగా చర్యలు చేపడుతున్నారు. దీనిలో భాగం గా ఆరోగ్యశాఖ కార్యదర్శి రిజ్వీ, సీఎం ఓఎస్డీ గంగాధర్, హెల్త్ డైరెక్టర్ జీ శ్రీనివాసరావు హెలికాప్టర్ ద్వారా ఏపీ సరిహద్దు ప్రాంతాల్లో పర్యటించారు. ఖమ్మం, మధిర, సూర్యాపేట, కోదాడ తదితర ప్రాంతాలకు వెళ్లి కరోనా కట్టడికి అనుసరించాల్సిన వ్యూహం, చేపట్టాల్సిన చర్యల గురించి ఆయా జిల్లాల అధికారులకు వివరించారు. ఏ జిల్లాల్లో ఎక్కువ కేసులు నమోదవుతున్నాయి? అధిక పాజిటివిటీ రేటు ఉన్న ప్రాంతాలేమిటన్న విషయాలపై సమీక్షించి వీలైనంత త్వరగా కేసులు తగ్గుముఖం పట్టేలా కృషి చేయాలని సూచించారు. ఇదేవిధంగా ఇతర రాష్ర్టాలతో సరిహద్దు పంచుకుంటున్న జిల్లాల్లోనూ పర్యటించి అక్కడి అధికారులను అప్రమత్తం చేయనున్నారు.
గ్రామాల వారీగా ప్రత్యేక దృష్టి
ప్రస్తుతం పట్టణాల్లో కరోనా కేసులు తగ్గుముఖం పట్టినప్పటికీ పలు సరిహద్దు జిల్లాల్లో పాజిటివిటీ రేటు ఎక్కువగా ఉన్నట్టు ఉన్నతాధికారులు గుర్తించారు. అందుకే గ్రామాన్ని యూనిట్గా తీసుకొని పటిష్ఠ చర్యలకు శ్రీకారం చుట్టారు. ప్రతి పీహెచ్సీలో రోజూ కనీసం వందకుపైగా కరోనా పరీక్షలు నిర్వహించాలని సూచించారు. ఒక వైపు జ్వర సర్వే కొనసాగిస్తూనే మరోవైపు పీహెచ్సీ పరిధిలోని గ్రామంలో వారానికోసారి మెడికల్ ఆఫీసర్ ఆధ్వర్యంలో కరోనా క్యాంపులు నిర్వహించాలని ఆదేశించారు. ఈ క్యాంపుల ద్వారా ప్రతి వారం గ్రామ ప్రజల ఆరోగ్య వివరాలను తెలుసుకొని వారికి అవసరమైన మందులను అక్కడే ఇవ్వనున్నారు. దీంతో పాటు కరోనా చికిత్స, మందులు, పౌష్ఠికాహారం తదితర అంశాలపై విస్తృత స్థాయిలో అవగాహన కల్పించనున్నారు. ఈ చర్యలతో సరిహద్దు జిల్లాల్లో కరోనా కేసులు పూర్తి స్థాయిలో
తగ్గుముఖం పడతాయని వైద్యాధికారులు
అభిప్రాయపడుతున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

