నేడు హుస్నాబాద్‌, వరంగల్‌లో సీఎం ఏరియల్‌ సర్వే

సీఎం రేవంత్‌ శుక్రవారం ఉదయం వరంగల్‌, హుస్నాబాద్‌ వరద ప్రాంతాల్లో ఏరియల్‌ సర్వే చేపట్టనున్నారు. భారీ వర్షాలతో దెబ్బతిన్న ప్రాంతాలు, పంట నష్టం వాటిల్లిన ప్రాంతాలను సీఎం పరిశీలిస్తారు.

హైదరాబాద్‌, అక్టోబర్‌ 30 (నమస్తే తెలంగాణ): సీఎం రేవంత్‌ శుక్రవారం ఉదయం వరంగల్‌, హుస్నాబాద్‌ వరద ప్రాంతాల్లో ఏరియల్‌ సర్వే చేపట్టనున్నారు. భారీ వర్షాలతో దెబ్బతిన్న ప్రాంతాలు, పంట నష్టం వాటిల్లిన ప్రాంతాలను సీఎం పరిశీలిస్తారు.

గురువారం ఉదయమే వరద ప్రభావిత జిల్లాలకు వెళ్లేందుకు రేవంత్‌ సిద్ధపడ్డారు. ఆఖరి నిమిషంలో సీఎం పర్యటన రద్దయింది. వాతావరణం అనుకూలించకపోవటంతో హెలికాప్టర్‌ ప్రయాణం వీలు కాదని ఏరియల్‌ సర్వేకు అధికారులు అనుమతించలేదు.