యశోదలో క్రానిక్‌ కిడ్నీ డిసీజ్‌ క్లినిక్‌ ప్రారంభం

హైదరాబాద్‌ హైటెక్‌సిటీలోని యశోద హాస్పిటల్స్‌లో నూతనంగా ఏర్పాటు చేసిన క్రానిక్‌ కిడ్నీ డిసీజ్‌ (సీకేడీ) క్లినిక్‌ను జగద్గురువు శివరాత్రి దేశికేంద్ర మహాస్వామీజీతో కలిసి యశోద హాస్పిటల్స్‌ గ్రూప్‌ చైర్మన్‌ గోరుకంటి రవీందర్‌రావు ఆదివారం ప్రారంభించారు.

హైదరాబాద్‌, డిసెంబర్‌ 15 (నమస్తేతెలంగాణ) : హైదరాబాద్‌ హైటెక్‌సిటీలోని యశోద హాస్పిటల్స్‌లో నూతనంగా ఏర్పాటు చేసిన క్రానిక్‌ కిడ్నీ డిసీజ్‌ (సీకేడీ) క్లినిక్‌ను జగద్గురువు శివరాత్రి దేశికేంద్ర మహాస్వామీజీతో కలిసి యశోద హాస్పిటల్స్‌ గ్రూప్‌ చైర్మన్‌ గోరుకంటి రవీందర్‌రావు ఆదివారం ప్రారంభించారు. ఈ సందర్భంగా రవీందర్‌రావు మాట్లాడుతూ మన దేశ జనాభాలో 17 శాతం మంది మూత్రపిండాల సంబంధిత వ్యాధులతో బాధపడుతున్నారని తెలిపారు. ఏటా దాదాపు 5 లక్షల మంది డయాలసిస్‌ దశకు చేరుకుంటున్నారని, దీన్ని దృష్టిలో పెట్టుకొని దీర్ఘకాలిక మూత్రపిండాల వ్యాధిగ్రస్తుల కోసం ఈ క్లినిక్‌ను ఏర్పాటుచేసినట్టు చెప్పారు. రెండు తెలుగు రాష్ర్టాల్లోని జనాభాలో 20 శాతం మందిలో ఈ క్రానిక్‌ కిడ్నీ డిసీజ్‌ ప్రాబల్యం పెరుగుతుందని తెలిపారు. కార్యక్రమంలో కర్ణాటక హైకోర్టు న్యాయమూర్తి జస్టిస్‌ ఆర్‌ దేవదాస్‌, రాజ్యసభ సభ్యురాలు రేణుకా చౌదరి, నెప్రాలజీ స్పెషలిస్టు రాజశేఖర చక్రవర్తి తదితరులు పాల్గొన్నారు