Visit:
హైదరాబాద్, మే 26 (నమస్తే తెలంగాణ) : ఇంటర్ మొదటి సంవత్సరం సిలబస్ను ఇంటర్బోర్డు మార్చింది. ఫిజిక్స్ సిలబస్ను కాస్త పెంచింది. కొన్ని సబ్జెక్టుల్లో సిలబస్ను స్వల్పంగా తగ్గించింది. పాఠ్యపుస్తకాల్లో కవర్ పేజీలో మార్పులు చేశామని, మల్టీకలర్తో ముద్రించినట్టు ఇంటర్బోర్డు తెలిపింది. ఈసారి క్యూఆర్ కోడ్తో పుస్తకాలు ముద్రించినట్టు ఇంటర్బోర్డు కార్యదర్శి అభిలాష అభినవ్ తెలిపారు. పాఠ్యాంశాల కూర్పులో వర్తమాన అవసరాలు, తెలంగాణ సంస్కృతి, సంప్రదాయాలకు పెద్దపీట వేసినట్టు పేర్కొన్నారు. కమ్యూనికేటివ్ సిల్స్ అభివృద్ధి చేసేలా సిలబస్ రూపొందించినట్టు వెల్లడించారు.
తెలుగు పాఠ్యపుస్తకంలో తెలంగాణ కల్చర్, స్థానిక సంప్రదాయాలతో పాఠ్యాంశాలుంటాయి. స్థానిక కళలు, ముఖ్యమైన తెలుగు పరిచయం ఇందులో ఉంటుంది. ‘మీకు తెలుసా?’ అనే బాక్స్తో విద్యార్థి సృజనకు పెద్దపీట వేశారు.
గణితం పేపర్-1ఏలో కొత్తగా సెట్స్ అండ్ రిలేషన్స్, సీక్వెన్సెస్ అండ్ సిరీస్ అధ్యాయాలు చేర్చారు. ప్రముఖ గణిత శాస్త్రవేత్తలను పరిచయం చేసే ప్రయ త్నం చేశారు. గతంలో ఉన్న పేజీలను కుదించారు. పునరావృతమవుతున్న సమస్యలను తగ్గించారు.
ఫిజిక్స్లో ఆర్టిఫీషియల్ ఇంటిలిజెన్స్-ఫిజిక్స్ అధ్యాయాన్ని ప్రవేశపెట్టారు. ఏఐతోపాటు రోబోటిక్స్, రెన్యూవబుల్ ఎనర్జీ, స్పేస్సైన్స్, కమ్యూనికేషన్ టెక్నాలజీని అంతర్భాగం చేశారు.
