గురుకులం విద్యార్థి ఆత్మహత్య

పాఠశాలకు వెళ్లాల్సి వస్తుందనే భయంతో ఓ విద్యార్థి పురుగుల మందుతాగి ఆత్మహత్య చేసుకున్నాడు. ఈ ఘటన భద్రాద్రి కొత్తగూడెం జిల్లా గుండాల మండలం రోళ్లగడ్డలో మంగళవారం జరిగింది.

గుండాల, జూలై 23: పాఠశాలకు వెళ్లాల్సి వస్తుందనే భయంతో ఓ విద్యార్థి పురుగుల మందుతాగి ఆత్మహత్య చేసుకున్నాడు. ఈ ఘటన భద్రాద్రి కొత్తగూడెం జిల్లా గుండాల మండలం రోళ్లగడ్డలో మంగళవారం జరిగింది. రోళ్లగడ్డ అజ్మీరా వీరు, అరుణ కుమారుడు సుధీర్‌(10) గుండాల గురుకులంలో 6వ తరగతిలో చేరాడు. అక్కడ ఉండలేక సోమవారం ఇంటికొచ్చాడు. మంగళవారం ఉదయం తల్లిదండ్రులు పనులకు వెళ్లగా.. భయంతో ఇంట్లో పురుగుల మందు తాగాడు. చికిత్స పొందుతూ సుధీర్‌ మృతిచెందాడు.