Kalwakurthy | 33 కేవీ వైర్ల‌లో చెల‌రేగిన మంట‌లు.. క‌ల్వ‌కుర్తిలో త‌ప్పిన పెను ప్ర‌మాదం
Kalwakurthy | క‌ల్వ‌కుర్తి ప‌ట్ట‌ణ కేంద్రంలో శుక్ర‌వారం మ‌ధ్యాహ్నం భారీ అగ్నిప్ర‌మాదం సంభ‌వించింది. విద్యాన‌గ‌ర్ కాల‌నీ మీదుగా వెళ్లిన 33 కేవీ వైర్ల‌లో ఒక్క‌సారిగా మంట‌లు చెల‌రేగాయి. ఈ ప్ర‌మాదం కార‌ణంగా ఎలాంటి ఆస్తి, ప్రాణ న‌ష్టం సంభ‌వించ‌లేదు.
Kalwakurthy | నాగ‌ర్‌క‌ర్నూల్ : క‌ల్వ‌కుర్తి ప‌ట్ట‌ణ కేంద్రంలో శుక్ర‌వారం మ‌ధ్యాహ్నం భారీ అగ్నిప్ర‌మాదం సంభ‌వించింది. విద్యాన‌గ‌ర్ కాల‌నీ మీదుగా వెళ్లిన 33 కేవీ వైర్ల‌లో ఒక్క‌సారిగా మంట‌లు చెల‌రేగాయి. ఈ ప్ర‌మాదం కార‌ణంగా ఎలాంటి ఆస్తి, ప్రాణ న‌ష్టం సంభ‌వించ‌లేదు. దీంతో విద్యుత్ అధికారులు, పోలీసులు ఊపిరి పీల్చుకున్నారు.
విద్యాన‌గ‌ర్ కాల‌నీలో ఉన్న బ్ర‌హ్మంగారి టెంపుల్ స‌మీపంలో ఉన్న 33 కేవీ వైర్ల‌లో ఒక్క‌సారి మంట‌లు ఎగిసిప‌డ్డాయి. ఆ ప్ర‌మాదం జ‌రిగిన‌ప్పుడు వైర్ల కింద ఎవ‌రూ లేరు. దీంతో పెను ప్ర‌మాదం త‌ప్పింది. ఈ అగ్నిప్ర‌మాదం కార‌ణంగా మూడు చోట్ల వైర్లు తెగిప‌డ్డాయి. స్థానికులు విద్యుత్ శాఖ అధికారుల‌ను అప్ర‌మ‌త్తం చేశారు. నిమిషాల వ్య‌వ‌ధిలోనే క‌రెంట్ అధికారులు.. విద్యుత్ స‌ర‌ఫ‌రాను నిలిపివేశారు. 33 కేవీ లైన్ పున‌రుద్ధ‌ర‌ణ ప‌నుల‌ను అధికారులు వేగ‌వంతం చేశారు. అగ్నిప్ర‌మాదానికి గ‌ల కార‌ణాలు తెలియాల్సి ఉంది.
విద్యాన‌గ‌ర్ కాల‌నీ మీదుగా ఉన్న 33 కేవీ విద్యుత్ లైన్‌ను మార్చాల‌ని స్థానికులు ఇప్ప‌టికే ఎన్నోసార్లు విద్యుత్ అధికారుల‌కు విన‌తిప‌త్రాలు స‌మ‌ర్పించారు. కానీ అధికారులు ప‌ట్టించుకోలేదు. 33 కేవీ లైన్ తొలగింపు విష‌యంలో నిర్ల‌క్ష్యం వ‌హించిన‌ట్లు స్థానికులు మండిప‌డ్డారు. ఇప్ప‌టికైనా అధికారులు క‌ళ్లు తెరిచి, కాల‌నీ మీదుగా ఉన్న ఆ విద్యుత్ లైన్‌ను తొల‌గించాల‌ని స్థానికులు విజ్ఞ‌ప్తి చేశారు.
ఇవి కూడా చ‌ద‌వండి..
Army jawan | అస్సాంలో తెలంగాణకు చెందిన ఆర్మీ జవాన్ మృతి
SCR | ఆగస్టు 5 నుంచి 10 వరకు ఆ రెండు ఎక్స్‌ప్రెస్‌ల రద్దు.. ఎందుకంటే?
Read Today's Latest Telangana News in Telugu and Telugu News
- Follow Us :
-
