జూరాలకు 1.65 లక్షల క్యూసెక్కుల వరద

విస్తారంగా కురుస్తున్న వర్షాలతో కృష్ణమ్మ ఉప్పొంగుతున్నది. మంగళవారం ఆల్మట్టి, నారాయణపూర్‌ ప్రాజెక్టులకు భారీగా వరద వచ్చి చేరుతుండగా గేట్లన్నీ ఎత్తి దిగువకు విడుదల చేస్తున్నారు.

హైదరాబాద్‌, జూలై 23 (నమస్తే తెలంగాణ): విస్తారంగా కురుస్తున్న వర్షాలతో కృష్ణమ్మ ఉప్పొంగుతున్నది. మంగళవారం ఆల్మట్టి, నారాయణపూర్‌ ప్రాజెక్టులకు భారీగా వరద వచ్చి చేరుతుండగా గేట్లన్నీ ఎత్తి దిగువకు విడుదల చేస్తున్నారు. దీంతో జూరాలకు, అక్కడి నుంచి శ్రీశైలం ప్రాజెక్టుకు కృష్ణమ్మ ఉరకలేస్తున్నది. ప్రస్తుతం జూరాల ప్రాజెక్టుకు 1.65 లక్షల క్యూసెక్కుల ఇన్‌ఫ్లో, 1,74,533 క్యూసెక్కుల అవుట్‌ఫ్లో నమోదైంది.

అదృశ్యమైన ఎంపీడీవో మృతదేహం లభ్యం

హైదరాబాద్‌, జూలై 23 (నమస్తే తెలంగాణ) : ఆంధ్రప్రదేశ్‌లో ఈ నెల 15న అదృశ్యమైన నరసాపురం ఎంపీడీవో వెంకటరమణారావు మృతదేహం మంగళవారం లభ్యమైంది. మధురానగర్‌ రైలు పైవంతెన నుంచి ఏలూరు కాలువలో దూకినట్టు తెలుసుకున్న పోలీసులు ఆ దిశగా గాలించగా మృతదేహం లభించింది.