BRS | హాలియా పోలీస్ స్టేష‌న్ ఎదుట మాజీ ఎమ్మెల్యే నోముల భగత్ ఆధ్వ‌ర్యంలో ధ‌ర్నా

హాలియా మున్సిపల్ కమిషనర్ అవినీతి అక్రమలకు పాల్పడుతున్నాడని, ఇండ్లు ఉన్న వారికే ఇందిరమ్మ ఇల్లు ఇవ్వడాన్ని నిరసిస్తూ మాజీ ఎమ్మెల్యే నోముల భగత్ ఆధ్వర్యంలో కోదాడ జడ్చర్ల జాతీయ రహదారిపై రాస్తారోకో చేప‌ట్టారు.

హాలియా : సూర్యాపేట జిల్లా హాలియా మున్సిపల్ కమిషనర్ అవినీతి అక్రమలకు పాల్పడుతున్నాడని, ఇండ్లు ఉన్న వారికే ఇందిరమ్మ ఇల్లు ఇవ్వడాన్ని నిరసిస్తూ మాజీ ఎమ్మెల్యే నోముల భగత్ ఆధ్వర్యంలో కోదాడ జడ్చర్ల జాతీయ రహదారిపై రాస్తారోకో చేప‌ట్టారు. హాలియాలో పోలీస్ స్టేషన్ ఎదురుగా ధర్నా నిర్వ‌హించారు. సీఎం డౌన్ డౌన్, దొంగల పాలన..దోపిడి పాలన.. అంటూ నినాదాలు చేశారు.

ఈ సంద‌ర్భంగా మాజీ ఎమ్మెల్యే మాట్లాడుతూ..మున్సిపల్ చైర్‌ప‌ర్స‌న్, కమిషనర్ ఏడాది కాలంగా బీఆర్ఎస్ పార్టీ ప్రాతినిధ్యం వహిస్తున్న నాలుగో వార్డుకు ఒక్క రూపాయి కూడా కేటాయించ‌లేద‌ని ఆరోపించారు. బీఆర్ఎస్ ధ‌ర్నాతో కోదాడ- జడ్చర్ల జాతీయ రహదారిపై వాహ‌నాలు భారీగా నిలిచిపోయాయి.