గులాబీ చీరకు అంతర్జాతీయ గుర్తింపు

ఓ చీరను విశ్వ కళా జగత్తు గుర్తించింది. ఆరుగజాల స్ఫూర్తి సంకేతమని కొనియాడింది. నమూనాగా ఒక చీర పంపమంటూ భారత్‌లోని ఓ మహిళా సంఘానికి సమాచారం ఇచ్చింది. లండన్‌లోని ఇండియన్‌ మ్యూజియంలో త్వరలో ఓ ఎగ్జిబిషన్‌ ప్రారంభం కానుంది.

ఓ చీరను విశ్వ కళా జగత్తు గుర్తించింది. ఆరుగజాల స్ఫూర్తి సంకేతమని కొనియాడింది. నమూనాగా ఒక చీర పంపమంటూ భారత్‌లోని ఓ మహిళా సంఘానికి సమాచారం ఇచ్చింది. లండన్‌లోని ఇండియన్‌ మ్యూజియంలో త్వరలో ఓ ఎగ్జిబిషన్‌ ప్రారంభం కానుంది. అందులో ‘గులాబ్‌ గ్యాంగ్‌’ సభ్యులు కట్టుకునే గులాబీ రంగు చీరను ప్రత్యేకంగా ప్రదర్శించనున్నారు. ‘ఎవరీ గులాబ్‌ గ్యాంగ్‌’ అంటారా? ఉత్తరప్రదేశ్‌లోని బుందేల్‌ఖండ్‌ ప్రాంతంలో.. వివక్షకు, హింసకు, లైంగిక వేధింపులకు వ్యతిరేకంగా పుట్టుకొచ్చిన స్త్రీ శక్తి ఇది. ఆ బృందంలో పదకొండు లక్షలమంది సభ్యులున్నారు.

పద్దెనిమిది నుంచి అరవై వరకు.. అన్ని వయసులవారూ సభ్యత్వానికి అర్హులే. సంపత్‌పాల్‌ దేవి అనే సామాన్య మహిళ పందొమ్మిదేండ్ల క్రితం ఈ సంస్థను ప్రారంభించారు. ఎక్కడ ఏ స్త్రీకి అన్యాయం జరిగినా ఎర్ర చీమల దండులా క్షణాల్లో ప్రత్యక్షమైపోతారు. ‘ఒకరి కోసం అందరు’ గులాబ్‌ గ్యాంగ్‌ నినాదం. ‘గులాబీరంగు చీర ఓ ఉద్యమానికి, మహిళల సమైక్యతకు ప్రతీకగా మారడం మమ్మల్ని ఆకర్షించింది. ఇదో అరుదైన ఘట్టం’ అంటారు ఎగ్జిబిషన్‌ నిర్వాహకులు.