WI vs ENG | మూడో వ‌న్డేలో సూప‌ర్ విక్ట‌రీ.. 25 ఏండ్లకు ఇంగ్లండ్‌పై సిరీస్ గెలిచిన విండీస్

WI vs ENG : సొంత‌గ‌డ్డ‌పై ఇంగ్లండ్‌తో జ‌రిగిన మూడు వ‌న్డేల సిరీస్‌ను వెస్టిండీస్(West Indies) ఛేజిక్కించుకుంది. బార్బ‌డోస్‌లోని కెన్సింగ్‌ట‌న్ ఓవ‌ల్(Kensington Oval) మైదానంలో శ‌నివారం జ‌రిగిన మూడో వ‌న్డేలో విండీస్ అద్భుత విజ‌యం సాధించింది. డ‌క్‌వ‌ర్త్ లూయిస్(DLS) ప్ర‌కారం...

WI vs ENG : సొంత‌గ‌డ్డ‌పై ఇంగ్లండ్‌తో జ‌రిగిన మూడు వ‌న్డేల సిరీస్‌ను వెస్టిండీస్(West Indies) ఛేజిక్కించుకుంది. బార్బ‌డోస్‌లోని కెన్సింగ్‌ట‌న్ ఓవ‌ల్(Kensington Oval) మైదానంలో శ‌నివారం జ‌రిగిన మూడో వ‌న్డేలో విండీస్ అద్భుత విజ‌యం సాధించింది. డ‌క్‌వ‌ర్త్ లూయిస్(DLS) ప్ర‌కారం నిర్దేశించిన 188 ప‌రుగుల ల‌క్ష్యాన్నిషై హోప్స సేన‌ 6 వికెట్లు కోల్పోయి ఛేదించింది.

కేసీ కార్టీ(50) హాఫ్ సెంచ‌రీతో చెల‌రేగ‌గా.. ఓపెన‌ర్ అలిక్ అథ‌న‌జె(45), రొమారియో షెఫ‌ర్డ్(43) కీల‌క ఇన్నింగ్స్ ఆడి జ‌ట్టును గెలిపించారు. దాంతో, 2-1తో విండీస్ సిరీస్ కైవసం చేసుకుంది. త‌ద్వారా సొంత గ‌డ్డ‌పై ఇంగ్లండ్ మీద 25 ఏండ్ల త‌ర్వాత వ‌న్డే సిరీస్ విజ‌యాన్ని నమోదు చేసింది.

That winning feeling.🏆#WIvENG #WIHomeForChristmas pic.twitter.com/3EwRNx210k

— Windies Cricket (@windiescricket) December 10, 2023

సిరీస్ డిసైడ‌ర్ అయిన మూడో వ‌న్డేను వ‌ర్షం కార‌ణంగా మ్యాచ్‌ను 40 ఓవ‌ర్ల‌కు కుదించారు. మొద‌ట బ్యాటింగ్ చేసిన ఇంగ్లండ్ 9 వికెట్ల న‌ష్టానికి 206 ప‌రుగులు చేసింది. మిడిలార్డ‌ర్‌లో వ‌చ్చిన‌ బెన్ డ‌కెట్‌(71), లివింగ్‌స్టోన్‌(45) కీల‌క ఇన్నింగ్స్ ఆడి జ‌ట్టుకు పోరాడ‌గ‌లిగే స్కోర్ అందించారు. ఆ త‌ర్వాత విండీస్ బ్యాటింగ్‌కు వ‌రుణుడు అడ్డుప‌డ్డాడు. దాంతో, రిఫ‌రీలు డ‌క్‌వ‌ర్త్ లూయిస్ ప్ర‌కారం విండీస్‌కు 188 ప‌రుగుల ల‌క్ష్యాన్ని నిర్దేశించారు. ఛేద‌న‌లో 2 ప‌రుగుల‌కే ఓపెన‌ర్ బ్రాండ‌న్ కింగ్‌() ఔటైనా.. మ‌రో ఓపెన‌ర్ అలిక్ అథ‌న‌జె(45) ప‌ట్టుద‌ల‌గా ఆడాడు. ఆ త‌ర్వాత వ‌చ్చిన కేసీ కార్టీ(50) హాఫ్ సెంచ‌రీతో రాణించగా.. చివ‌ర్లో రొమారియో షెఫ‌ర్డ్(43) ధ‌నాధ‌న్ ఇన్నింగ్స్‌తో జ‌ట్టును గెలిపించాడు.

Keacy Carty battles back with the bat, a well-played 5️⃣0️⃣ to steady the innings🏏🌴 #WIHomeforChristmas #WIvENG pic.twitter.com/mbTtxmqGuE

— Windies Cricket (@windiescricket) December 10, 2023

వ‌న్డే సిరీస్ ముగియ‌డంతో 5 మ్యాచ్‌ల పొట్టి సిరీస్‌కు వెస్టిండీస్ సెలెక్ట‌ర్లు 15మందితో కూడిన స్క్వాడ్‌ను ప్ర‌క‌టించారు. రెండేండ్ల త‌ర్వాత ఆండ్రూ ర‌స్సెల్‌ను టీ20 జ‌ట్టులోకి తీసుకున్నారు. వ‌చ్చే ఏడాది స్వ‌దేశంలో జ‌రిగే పొట్టి ప్ర‌పంచక‌ప్ పోటీల‌కు స‌న్నాహాల్లో భాగంగానే సెలెక్ట‌ర్లు ర‌స్సెల్‌ను ఎంపిక చేశార‌ని తెలుస్తోంది. ర‌స్సెల్‌తో పాటు యువ ఆల్‌రౌండ‌ర్ మాథ్యూ ఫొర్డే, జేస‌న్ హోల్డ‌ర్, నికోల‌స్ పూర‌న్, కైలి మేయ‌ర్స్‌లు కూడా టీ20 స్క్వాడ్‌లో చోటు ద‌క్కించుకున్నారు.

టీ20 స్క్వాడ్ : రొవ్‌మ‌న్ పావెల్(కెప్టెన్), షై హోప్‌(వైస్ కెప్టెన్), రోస్ట‌న్ ఛేజ్, మాథ్యూ ఫొర్డే, షిమ్రాన్ హిట్‌మైర్, జేస‌న్ హోల్డ‌ర్, అకీల్ హొసేన్, అల్జారీ జోసెఫ్, బ్రాండ‌న్ కింగ్, కైల్ మేయ‌ర్స్, గుడ‌కేశ్ మోతీ, నికోల‌స్ పూర‌న్, ఆండ్రూ ర‌స్సెల్, షెర్ఫానే రూథ‌ర్‌ఫ‌ర్డ్, రొమారియో షెఫ‌ర్డ్.

ఇవి కూడా చ‌ద‌వండి

• Delhi police | సుఖ్‌దేవ్‌ సింగ్‌ హత్య కేసు.. ముగ్గురు నిందితులు అరెస్ట్
• Snehwan | రైతుబిడ్డల కోసమే ఈ స్పెషల్‌ స్కూల్‌.. ఇక్కడ ఏం నేర్పిస్తారంటే..
• Samantha | డెనిమ్‌ జీన్స్‌లో కిర్రాక్ పుట్టిస్తున్న సమంత..