Shardul Thakur : భారత క్రికెట్లో ప్రస్తుతం పెళ్లి సీజన్ నడుస్తోంది. ఈ ఏడాది ఓపెనర్ కేఎల్ రాహుల్, ఆల్రౌండర్ అక్షర్ పటేల్ పెళ్లి పీటలెక్కిన విషయం తెలిసిందే. టీమిండియా ఆల్రౌండర్ శార్దూల్ ఠాకూర్ కూడా ఈరోజు వివాహ బంధంలోకి అడుగుపెట్టనున్నాడు. రెండు రోజుల క్రితం అతని హల్దీ వేడుక ఫొటోలు సోషల్మీడియాలో వైరల్ అయిన విషయం తెలిసిందే. ఇప్పుడు శార్దూల్ ప్రీ-వెడ్డింగ్ డాన్స్ వీడియో ఆన్లైన్లో వైరల్ అవుతోంది.
ఆ వీడియోలో సహచరుడు శ్రేయాస్ అయ్యర్ ‘తుమ్ జో మెరా సాత్ దో’ బాలీవుడ్ పాట పాడుతుంటే శార్దూల్ కూడా గొంతు కలిపాడు. ఆ తర్వాత కాబోయే భార్య మిథాలీ పారుకర్తో కలిసి స్టెప్పులు వేశాడు. శార్దూల్, మిథాలీ ప్రీ-వెడ్డింగ్ వేడుకకు కోల్కతా నైట్ రైడర్స్ కెప్టెన్ శ్రేయాస్ అయ్యర్ వెళ్లాడు. ఈ సందర్భంగా కాబోయే కొత్త జంట కోసం పాట పాడాడు. ఈ వీడియోను కేకేఆర్ ఫ్రాంఛైజీ ట్విట్టర్లో షేర్ చేసింది. రెండు రోజుల క్రితం అతని హల్దీ వేడుక ఫొటోలు వైరల్ అయిన విషయం తెలిసిందే.
శార్దూల్ వివాహం చేసుకునే అమ్మాయి పేరు మిథాలీ పారుకర్. ఈమె 2021 నవంబర్లో వీళ్లిద్దరికి ఎంగేజ్మెంట్ జరిగింది. మిథాలీ స్వగ్రామం మహారాష్ట్రలోని కొల్హాపూర్. మిథీబాయి కాలేజీ నుంచి గ్రాడ్యుయేషన్ పూర్తి చేసింది. ఆంత్రోప్రెన్యూర్ అయిన మిథాలీ ఆల్ ది జాజ్ లక్జరీ బేకర్స్ అనే కంపెనీ నడుపుతోంది. ఈ ఏడాది ఐపీఎల్లో లార్డ్స్ శార్దూల్ కోల్కతా నైట్ రైడర్స్ తరఫున ఆడనున్నాడు.
గత సీజన్ వేలంలో అతడిని ఢిల్లీ క్యాపిటల్స్ రూ.10.75 కోట్ల భారీ ధరకు కొనుగోలు చేసిది. అయితే.. అతను దారుణంగా విఫలం అయ్యాడు. దాంతో అతడిని డీసీ ట్రేడ్ పద్థతిలో కేకేఆర్కు అప్పగించింది. పదహారో సీజన్ ఐపీఎల్ మార్చి 31న ప్రారంభం కానుంది. ప్రతి ఫ్రాంఛైజీ సొంత గ్రౌండ్లో ఏడు మ్యాచ్లు ఆడనుంది.
“𝘏𝘢𝘮𝘬𝘰 𝘪𝘵𝘯𝘢 𝘣𝘢𝘵𝘢 𝘥𝘦 𝘬𝘰𝘪, 𝘬𝘢𝘪𝘴𝘦 𝘒𝘒𝘙 𝘣𝘰𝘺𝘴 𝘱𝘦 𝘥𝘪𝘭 𝘯𝘢 𝘭𝘢𝘨𝘢𝘺𝘦 𝘬𝘰𝘪!”🥺🎶
📽️: @TheTrancer10 | #AmiKKR pic.twitter.com/yvmr7fiawm
— KolkataKnightRiders (@KKRiders) February 26, 2023