Gautam Gambhir : ఐపీఎల్ 17వ సీజన్ మినీ వేలంలో రెండుసార్లు చాంపియన్ కోల్కతా నైట్ రైడర్స్(Kolkata Knight Riders) రికార్డులు బద్దలు కొట్టింది. ఆస్ట్రేలియా స్టార్ పేసర్ మిచెల్ స్టార్క్(Mitchell Starc)కోసం ఐపీఎల్ చరిత్రలోనే అత్యధిక ధర వెచ్చించింది. ఆద్యంతం ఆసక్తి రేపిన వేలంలో ఈ యార్కర్ కింగ్ స్టార్క్ను రూ.24.75 కోట్లకు కొన్నది. ఈ ఆసీస్ పేసర్ రికార్డు ధర పలకడం వెనుక కోల్కతా మెంటార్ గౌతం గంభీర్(Gautam Gambhir) పాత్ర ఎంతో ఉంది.
వేలంలో పాల్గొన్న గౌతీ.. స్టార్క్ కోసం ఎన్ని కోట్లైనా పెట్టేందుకు వెనకాడొద్దని ఫ్రాంచైజీకి చెప్పడం చూశాం. తాజాగా ఒక టీవీ ఇంటర్వ్యూలో గంభీర్కు ఊహించని పరిస్థితి ఎదురైంది. టీవీ ప్రజెంటర్ జతిన్ సప్రూ(Jatin Sapru) స్టార్క్ కోసం కోట్లు కుమ్మరించడం గురించి గౌతీని అడిగాడు. అనతంరం ‘చేతులు జోడించి దేవుడా దయచేసి నాకు రూ.2 లేదా రూ.3 కోట్లు ఇవ్వండి’ అని గంభీర్ను సరదాగా వేడుకున్నాడు. అతడలా అడిగేసరికి గౌతీ సైతం పగలబడి నవ్వాడు. 15 సెకండ్ల నిడివి ఉన్న ఈ వీడియో సోషల్ మీడియాలో వైరల్ అవుతోంది.
After Auction Scenes 😂 pic.twitter.com/zB8BWfGY57
— football (@RealFIMDBIMD) December 24, 2023
మినీ వేలంలో పాల్గొన్న గంభీర్
దుబాయ్లో డిసెంబర్ 19న జరిగిన మినీ వేలంలో కోల్కతా బౌలర్లపై కోట్లు కుమ్మరించింది. ప్యాట్ కమిన్స్(Pat Cummins)ను సన్రైజర్స్ హైదరాబాద్ దక్కించుకోవడంతో స్టార్ పేసర్ అయిన స్టార్క్పై కేకేఆర్ కన్నేసింది. అతడి కోసం గుజరాత్ టైటాన్స్, రాయల్ చాలెంజర్స్ బెంగళూరు పోటీపడినా కోల్కతా తగ్గలేదు.
మిచెల్ స్టార్క్
అప్పటికే స్టార్క్ ధర రూ. 24 కోట్లు దాటడడంతో కేకేఆర్ ఫ్రాంచైజీ యజమానులు తగ్గాలని చూసినా గౌతీ ససేమిరా అన్నాడు. అనుకున్నట్టుగానే చివరకు 24.75 కోట్లకు స్టార్క్ను కోల్కతా సొంతం చేసుకుంది. సారథిగా కోల్కతాను రెండుసార్లు(2012,) ఐపీఎల్ చాంపియన్గా నిలిపిన గంభీర్ ఈమధ్యే సొంతగూటికి వచ్చాడు. 16వ సీజన్లో గౌతీ.. లక్నో సూపర్ జెయింట్స్(LSG) మెంటార్గా పనిచేసిన విషయం తెలిసిందే.