Todd Murphy : నాగ్పూర్ టెస్టులో ఆస్ట్రేలియా ఎడమ చేతివాటం స్పిన్నర్ టాడ్ మర్ఫీ అరుదైన ఘనత సాధించాడు. ఆరంగేట్రం టెస్టులోనే ఐదు వికెట్ల ప్రదర్శనతో అదరగొట్టాడు. ఈ ఘనత సాధించిన ఆసీస్ నాలుగో ఆఫ్ స్పిన్నర్గా మర్ఫీ గుర్తింపు తెచ్చుకున్నాడు. అంతేకాదు భారత్పై ఆరంగేట్రం టెస్టులోనే ఐదు వికెట్లు తీసిన రెండో ఆసీస్ బౌలర్ తనే. ఇంతకుముందు జాసన్ క్రెజా నాగ్పూర్లోనే 5 వికెట్ల ప్రదర్శన చేశాడు. తొలి టెస్టు మ్యాచ్లోనై ఐదు, ఆ పైగా వికెట్లు తీసిన ఆస్ట్రేలియా ఆఫ్ స్పిన్నర్లు ఎవరంటే..?
1. పీటర్ టేలర్ – 1987లో ఇంగ్లండ్పై ఇతను 5 వికెట్లు తీశాడు. సిడ్నీ మైదానంలో జరిగిన మ్యాచ్లో కేవలం 78 రన్స్ ఇచ్చి 6 వికెట్లు పడగొట్టాడు.
2. జాసన్ క్రెజా – 2008లో భారత్పై నాగ్పూర్లో 215 రన్స్ ఇచ్చి 8 వికట్లు పడగొట్టాడు. టీమిండియాపై ఐదు వికెట్ల ప్రదర్శన చేసిన తొలి ఆసీస్ ఆఫ్ స్పిన్నర్గా రికార్డు క్రియేట్ చేశాడు.
3. నాథన్ లియాన్ – 2011లో శ్రీలంకపై లియాన్ టెస్టుల్లో ఆరంగేట్రం చేశాడు. గాలేలో జరిగిన మ్యాచ్లో అతను 5/34తో ఆకట్టుకున్నాడు.
4. టాడ్ మర్ఫీ – నాగ్పూర్ టెస్టులో మర్ఫీ 5 వికెట్లు తీసి భారత్ను దెబ్బ తీశాడు. అతను కీలకమైన రాహుల్, అశ్విన్, పూజారా, కోహ్లీలను ఔట్ చేశాడు. శ్రీకర్ భరత్ను ఎల్బీగా వెనక్కి పంపి ఐదో వికెట్ సాధించాడు.