శాన్వి మరో డబుల్‌ ధమాకా

తెలంగాణ యువ షట్లర్‌ నిమ్మ శాన్వి రెడ్డి అద్భుత ఆటతో సత్తా చాటుతోంది. జాతీయ స్థాయిలో వరుస విజయాలతో దూసుకెళ్తోంది. పాట్నాలో జరిగిన జాతీయ సబ్‌ జూనియర్‌ ర్యాంకింగ్‌ బ్యాడ్మింటన్‌ టోర్నమెంట్‌లో శాన్వి అండర్‌-13 గర్ల్స్‌ సింగిల్స్‌, డబుల్స్‌లో చాంపియన్‌గా నిలిచి మరోసారి డబుల్‌ ధమాకా మోగించింది.

హైదరాబాద్‌, ఆట ప్రతినిధి: తెలంగాణ యువ షట్లర్‌ నిమ్మ శాన్వి రెడ్డి అద్భుత ఆటతో సత్తా చాటుతోంది. జాతీయ స్థాయిలో వరుస విజయాలతో దూసుకెళ్తోంది. పాట్నాలో జరిగిన జాతీయ సబ్‌ జూనియర్‌ ర్యాంకింగ్‌ బ్యాడ్మింటన్‌ టోర్నమెంట్‌లో శాన్వి అండర్‌-13 గర్ల్స్‌ సింగిల్స్‌, డబుల్స్‌లో చాంపియన్‌గా నిలిచి మరోసారి డబుల్‌ ధమాకా మోగించింది.

బుధవారం జరిగిన మహిళల సింగిల్స్‌ ఫైనల్లో టాప్‌ సీడ్‌ శాన్వి 15-11, 15-2తో వరుస గేమ్స్‌లో రాష్ర్టానికే చెందిన కోరుకొండ ల్యోషాను ఓడించింది. డబుల్స్‌లో ల్యోషాతో జతకట్టిన శాన్వి తుదిపోరులో 15-8, 11-15, 15-17తో 8వ సీడ్‌ మాన్విత చౌదరి (ఏపీ)-సుమయా షరీఫ్‌ (కర్ణాటక) ద్వయంపై విజయం సాధించింది. ప్రస్తుతం భారత అండర్‌-13 నంబర్‌ వన్‌ ర్యాంక్‌లో ఉన్న శాన్వి ఇటీవల గోవా, కోల్‌కతాలో జరిగిన నేషనల్‌ ర్యాంకింగ్స్‌ టోర్నీల్లోనూ సింగిల్స్‌, డబుల్స్‌ విజేతగా నిలిచింది.