‘పెన్షనర్లు జీవన్ ప్రమాణ్ లైఫ్ సర్టిఫికెట్‌ను తప్పనిసరిగా అప్‌డేట్ చేసుకోవాలి’

కోల్ మైన్స్ పెన్షన్, సింగరేణి సీపీఆర్‌ఎంఎస్ (CPRMS) మెడికల్ కార్డు అర్హత కలిగిన మాజీ సింగరేణి ఉద్యోగులు, పెన్షనర్లు ప్రతి సంవత్సరం నవంబర్ నెలలో తమ లైఫ్ సర్టిఫికెట్ (జీవన్ ప్రమాణ్)ను తప్పనిసరిగా అప్‌డేట్ చేసుకోవాలని కొత్తగూడెం ఏరియా జనరల్ మేనేజర్...

– కొత్తగూడెం ఏరియా జీఎం సీహెచ్.వెంకట రమణ
– ఈ 5, 6 తేదీల్లో రుద్రంపూర్ సీఈఆర్ క్లబ్‌లో అవగాహన సదస్సు

రుద్రంపూర్, న‌వంబ‌ర్ 03 : కోల్ మైన్స్ పెన్షన్, సింగరేణి సీపీఆర్‌ఎంఎస్ (CPRMS) మెడికల్ కార్డు అర్హత కలిగిన మాజీ సింగరేణి ఉద్యోగులు, పెన్షనర్లు ప్రతి సంవత్సరం నవంబర్ నెలలో తమ లైఫ్ సర్టిఫికెట్ (జీవన్ ప్రమాణ్)ను తప్పనిసరిగా అప్‌డేట్ చేసుకోవాలని కొత్తగూడెం ఏరియా జనరల్ మేనేజర్ సీహెచ్.వెంకట రమణ సూచించారు. ఈ మేరకు ఆయన ఒక ప్రకటనలో వివరాలు వెల్లడించారు. జీవన్ ప్రమాణ్ లైఫ్ సర్టిఫికెట్‌ను డిజిటల్ విధానంలో సులభంగా నమోదు చేసుకునే ప్రక్రియపై అవగాహన కల్పించేందుకు సింగరేణి యాజమాన్యం, రీజినల్ కమిషనర్, సీఎంపీఎఫ్ కొత్తగూడెం రీజియన్ సంయుక్తంగా అవగాహన సదస్సును నిర్వహించనున్నట్లు తెలిపారు.

రెండు రోజుల పాటు అవగాహన సదస్సు

ఈ నెల 5, 6 తేదీల్లో రుద్రంపూర్‌లోని సీఈఆర్ క్లబ్‌లో ఉదయం 9 గంటల నుండి సాయంత్రం 5 గంటల వరకు ఈ సదస్సు కొనసాగుతుందని వెల్ల‌డించారు. ఈ సందర్భంగా పెన్షన్‌తో పాటు సీపీఆర్‌ఎంఎస్ మెడికల్ కార్డు కోసం డిజిటల్ లైఫ్ సర్టిఫికెట్‌ను నమోదు చేసుకునే విధానాన్ని వివరించనున్నారు. మాజీ సింగరేణి ఉద్యోగులు, పెన్షనర్లు ఈ అవకాశాన్ని సద్వినియోగం చేసుకోవాలని జీఎం కోరారు. అర్హులైన వారు తమ కుటుంబ సభ్యులతో కలిసి సదస్సుకు హాజరై జీవన్ ప్రమాణ్ లైఫ్ సర్టిఫికెట్‌ను నమోదు చేసుకోవాలని సూచించారు.