ICC Awards: పొట్టి క్రికెట్లో టీమిండియా స్టార్ బ్యాటర్, అభిమానులంతా మిస్టర్ 360గా పిలుచుకునే సూర్యకుమార్ యాదవ్ అంతర్జాతీయ టీ20 క్రికెట్లో సరికొత్త చరిత్ర సృష్టించాడు. వరుసగా రెండో ఏడాది పొట్టి క్రికెట్ ఫార్మాట్లో ‘ఐసీసీ మెన్స్ టీ20 క్రికెటర్ ఆఫ్ ఆఫ్ ది ఈయర్’ అవార్డు గెలుచుకున్నాడు. గతేడాది కూడా ఈ అవార్డు సూర్యనే వరించింది. దీంతో ఈ అవార్డును వరుసగా రెండుసార్లు గెలిచిన తొలి క్రికెటర్గా నిలిచాడు.
2023లో సూర్య వన్డేలలో విఫలమైనా టీ20లలో మాత్రం తనదైన ఆటతో రెచ్చిపోయాడు. గతేడాది ఈ విధ్వంసక బ్యాటర్.. 17 ఇన్నింగ్స్లలోనే 48.86 సగటుతో 733 పరుగులు చేశాడు. ఈ క్రమంలో అతడి స్ట్రైక్ రేట్ 155.95గా ఉండటం గమనార్హం. 17 ఇన్నింగ్స్లలో సూర్య రెండు శతకాలు కూడా నమోదుచేశాడు.
An arsenal of eclectic shots and a striking average 🔥
The India batter lit up 2023 to win the ICC Men’s T20I Cricketer of the Year award ✨https://t.co/XYqFZcqres
— ICC (@ICC) January 24, 2024
ఈ అవార్డు కోసం సూర్య జింబాబ్వే ఆల్ రౌండర్ సికందర్ రజా, న్యూజిలాండ్ బ్యాటర్ మార్క్ చాప్మన్, అల్పేశ్ రమ్జాని (ఉగాండా)లతో పోటీ పడ్డాడు. కానీ ఈ ఫార్మాట్లో నిలకడగా రాణిస్తున్న సూర్యాభాయ్ వైపే ఐసీసీ మొగ్గుచూపింది. కాగా స్వదేశంలో ఆస్ట్రేలియాతో సిరీస్తో పాటు దక్షిణాఫ్రికా పర్యటనలోనూ భారత్ను నడిపించిన సూర్య.. సఫారీ టూర్లో గాయపడి ప్రస్తుతం విశ్రాంతి తీసుకున్నాడు. ఐపీఎల్ సీజన్ ఆరంభం నాటికి అతడు పూర్తిస్థాయిలో సిద్ధమవ్వాలని భావిస్తున్నాడు.
Suryakumar Yadav won the ICC Men’s T20I cricketer of the year award. 🇮🇳 pic.twitter.com/JUBUy4brD0
— Johns. (@CricCrazyJohns) January 24, 2024