SL vs AFG : వన్డే వరల్డ్ కప్ క్వాలిఫైయర్ రేసులో ఉన్న శ్రీలంక(Srilanka) ఎట్టకేలకు గెలిచింది. ఈ ఏడాది వన్డేల్లో ఆ జట్టు తొలి విజయం చవి చూసింది. అఫ్గనిస్థాన్పై రెండో వన్డేలో గెలిచి వరుస పరాజయాలకు ముగింపు పలికింది. సిరీస్లో నిలవాలంటే గెలవక తప్పని మ్యాచ్లో ధనంజయ డిసిల్వా(29 నాటౌట్, 3 వికెట్లు) రాణించాడు. కుశాల్ మెండిస్(78), కరుణరత్నే(52) అర్ధ శతకాలతో చెలరేగారు. దాంతో, 6 వికెట్ల నష్టానికి శ్రీలంక 323 పరుగులు కొట్టింది.
ఆతర్వాత పర్యాటక అఫ్గనిస్థాన్ను 191కే కట్టడి చేసింది. దాంతో, 132 పరుగుల తేడాతో భారీ విక్టరీ సాధించింది. వన్డే సిరీస్ను 1-1తో సమం చేసింది. ఆల్రౌండ్ షోతో అదరగొట్టిన ‘ప్లేయర్ ఆఫ్ ది మ్యాచ్’గా ఎంపికయ్యాడు. సిరీస్ ఫలితాన్నినిర్ణయించే మూడో వన్డే జూన్ 7న జరగనుంది.
ఒకప్పటి వరల్డ్ చాంపియన్ శ్రీలంక ఈ ఏడాది వరల్డ్ కప్ క్వాలిఫైయింగ్లో మాత్రం వెనకబడింది. ఆఖరి స్థానం కోసం పసికూనలైన ఐర్లాండ్, నమీబియా, అఫ్గనిస్థాన్, నేపాల్, అమెరికా వంటి జట్లతో పోటీపడుతోంది. న్యూజిలాండ్ పర్యటనలో దారుణ ఓటమి లంక క్వాలిఫైయింగ్ అవకాశాల్ని దెబ్బతీసింది. అయినా కూడా ఆ జట్టుకు ఇంకా అవకాశం ఉంది. అయితే.. జింబాబ్వేలో జూన్ 18 నుంచి జరగనున్న వరల్డ్ కప్ క్వాలిఫైయర్ పోరులో విజేతగా నిలవాలి. ఈ టోర్నీలో ఫైనల్ చేరిన రెండు జట్లు వరల్డ్ కప్ పోటీకి క్వాలిఫై అవుతాయి. అక్టోబర్, నవంబర్ మధ్య భారత్లో వన్డే వరల్డ్ కప్ జరగనుంది. 2011 మాదిరిగా సొంత గడ్డపై మళ్లీ కప్పు కొట్టాలని టీమిండాయా భావిస్తోంది.