Satwiksairaj : కొరియా ఓపెన్(Korea Open)లో భారత డబుల్స్ స్టార్ సాత్విక్సాయిరాజ్ (Satwiksairaj) సంచలనం సృష్టించాడు. అత్యంత వేగవంతమైన స్మాష్(Fastest Badminton Shot)తో గిన్నిస్ వరల్డ్ రికార్డు(Guinness world record)ల్లోకి ఎక్కాడు. సాత్విక్ గంటకు 565 కిలోమీటర్ల వేగంతో స్మాష్ను కొట్టాడు. దాంతో, పురుషుల బాడ్మింటన్లో కాక్ను బలంగా కొట్టిన ఆటగాడిగా గుర్తింపు సాధించాడు.
స్మాష్ వేగాన్నిలెక్కించిన గిన్నిస్ రికార్డు ప్రతినిధిలు సాత్విక్ పేరును తమ పుస్తకంలో రాసుకున్నారు. భారత స్టార్ దెబ్బకు పదేళ్ల రికార్డు బద్ధలైంది. మలేషియా ఆటగాడు టాన్ బూన్ హీంగ్(Tan Boon Heong) 2013లో గంటకు 493 కిలోమీటర్ల వేగంతో స్మాష్ ఆడాడు.
ఈ మ్యాచ్లో సాత్విక్ – చిరాగ్ జోడీ సుపాక్ జొమ్కొహ్, కిట్టినుపాంగ్ కెడ్రెన్పై 21-16, 21-14తో గెలుపొందింది. ఆద్యంతం ఆధిపత్యం చెలాయించిన భారత జోడీ 32 నిమిషాల్లోనే మ్యాచ్ ముగించింది. ఈ విజయంతో సాత్విక్ – చిరాగ్ ద్వయం ప్రీ-క్వార్టర్స్లో అడుగుపెట్టింది. ఈ సీజన్లో వీళ్లు అద్భుతంగా రాణిస్తున్నారు.
ఇండోనేషియా ఓపెన్ టైటిల్తో సాత్విక్ – చిరాగ్
ఈమధ్యే ఇండోనేషియా ఓపెన్(Indonasia Open) చాంపియన్గా నిలిచారు. టోర్నీ ఆరంభం నుంచి అదరగొట్టిన వీళ్లు టాప్ సీడ్లకు షాకిస్తూ.. తొలిసారి ఇండోనేషియా ఓపెన్ టైటిల్ సాధించారు. గత కొంత కాలంగా నిలకడగా రాణిస్తున్న సాత్విక్ – చిరాగ్ డబుల్స్లో ఆరో ర్యాంక్ సొంతం చేస్తున్నారు.