పెరగనున్న ఆస్ట్రేలియన్‌ క్రికెటర్ల పారితోషికాలు

క్రికెట్‌ ఆస్ట్రేలియా తమ ఆటగాళ్ల పారితోషికాన్ని భారీగా పెంచింది. ఈ మేరకు ఆటగాళ్ల యూనియన్‌తో అయిదేండ్ల ఒప్పందాన్ని కుదుర్చుకుంది. దీనితో దేశవాళీ క్రికెట్‌లో పురుషుల పారితోషికం 25నుంచి 50 శాతం మేరకు పెరగనున్నది.

మెల్‌బోర్న్‌ : క్రికెట్‌ ఆస్ట్రేలియా తమ ఆటగాళ్ల పారితోషికాన్ని భారీగా పెంచింది. ఈ మేరకు ఆటగాళ్ల యూనియన్‌తో అయిదేండ్ల ఒప్పందాన్ని కుదుర్చుకుంది. దీనితో దేశవాళీ క్రికెట్‌లో పురుషుల పారితోషికం 25నుంచి 50 శాతం మేరకు పెరగనున్నది. మహిళలకైతే ఏకంగా 66 శాతం పారితోషికం పెరగనున్నది. బిగ్‌బాష్‌ లీగ్‌లో పాల్గొనే క్రికెటర్లకు యేడాదికి దాదాపు 3 మిలియన్‌ ఆస్ట్రేలియన్‌ డాలర్లు దక్కనున్నాయి. మహిళా బిబిఎల్‌లో యేడాదికి 1,50,000 ఆస్ట్రేలియన్‌ డాలర్లు లభించనున్నాయి. కాంట్రాక్టు మహిళా ప్లేయర్ల సంఖ్య 15నుంచి 18కి పెంచారు.