మొహాలీ: ఆఫ్ఘనిస్తాన్తో జరిగిన తొలి టీ20 మ్యాచ్లో.. రోహిత్ శర్మ(Rohit Sharma) రనౌటయ్యాడు. దాదాపు 14 నెలల గ్యాప్ తర్వాత మళ్లీ టీ20 ఫార్మాట్ ఆడుతున్న అతను తొలి మ్యాచ్లోనే డకౌటయ్యాడు. టీ20 వరల్డ్కప్ జరగనున్న నేపథ్యంలో అతను ఈ ఫార్మాట్పై మళ్లీ ఫోకస్ పెట్టాడు. అయితే ఆఫ్ఘన్తో మ్యాచ్లో అనూహ్యంగా రనౌటయ్యాడు. తొలి ఓవర్ రెండో బంతికే అతను నిష్క్రమించాడు. ఫజల్లాక్ ఫారూకీ వేసిన ఆ ఓవర్లో.. మిడాఫ్ వైపు భారీ షాట్ కొట్టి పరుగు తీయబోయాడు. అయితే నాన్ స్ట్రయికర్ శుభమన్ గిల్ మాత్రం ఒక్క అంగుళం కూడా ముందుకు జరగలేదు. రోహిత్ మాత్రం నాన్ స్ట్రయికర్ వైపు పూర్తిగా వచ్చేశాడు. ఆఫ్ఘన్ ఫీల్డర్ చాలా చాకచక్యంగా తన చేతుల్లోని బంతిని స్ట్రయికర్ ఎండ్కు విసిరాడు. దీంతో రోహిత్ రనౌటయ్యాడు. ఆ సమయంలో కెప్టెన్ రోహిత్ ఆగ్రహానికి గురయ్యాడు. గిల్ వైపు చూస్తూ ఆవేశంతో ఏదో తిట్టాడు. డగౌట్ వైపు వెళ్తూ గిల్కు సంకేతం చేశాడు. సింగిల్ తీసుకోవడానికి గిల్ రెఢీగా లేకున్నా రోహిత్ మాత్రం నాన్ స్ట్రయికర్ దిశగా పరుగు తీశాడు.
Rohit gone for duck 😭#RohitSharma #Gill #IndvsAfg #INDvAFG pic.twitter.com/xpSGnreCm5
— Shubham Chand (@shubhamchand768) January 11, 2024