SA vs AUS | రెన్‌షా సూపర్ సెంచరీ.. గొప్పగా పుంజుకున్న ఆస్ట్రేలియా..!

SA vs AUS : ప్రపంచ టెస్టు ఛాంపియన్‌షిప్‌లో కీలకమైన డర్బన్ టెస్టులో ఆస్ట్రేలియా (Australia) గొప్పగా పుంజుకుంది. తొలిరోజు 84 పరుగులకే నాలుగు కీలక వికెట్లు కోల్పోయిన ఆసీస్.. మ్యాట్ రెన్‌షా(102 నాటౌట్) పోరాటంతో గట్టెక్కింది.

SA vs AUS : ప్రపంచ టెస్టు ఛాంపియన్‌షిప్‌లో కీలకమైన డర్బన్ టెస్టులో ఆస్ట్రేలియా (Australia) గొప్పగా పుంజుకుంది. దక్షిణాఫ్రికా బౌలర్ల ధాటికి తొలిరోజు 84 పరుగులకే నాలుగు కీలక వికెట్లు కోల్పోయిన ఆసీస్.. మ్యాట్ రెన్‌షా(102 నాటౌట్) పోరాటంతో గట్టెక్కింది. సఫారీ పేస్‌ దళాన్ని దీటుగా ఎదుర్కొన్న రెన్‌షా సూపర్ శతకంతో చెలరేగాడు. అతడికి కెప్టెన్ ప్యాట్ కమిన్స్‌(43) నుంచి చక్కని సహకారం లభించడంతో లంచ్ బ్రేక్ సమయానికి 8 వికెట్ల నష్టానికి 277 పరుగులు చేసింది.

శాండ్‌పేపర్ గేట్ వివాదం తర్వాత దక్షిణాఫ్రికా గడ్డపై తొలి టెస్టు సిరీస్ ఆడుతున్న ఆస్ట్రేలియా గాడీలో పడింది. తొలిరోజు డర్బన్‌లో సఫారీ పేస్ త్రయం ధాటికి పీకల్లోతు కష్టాల్లో పడిన ఆసీస్‌ను మ్యాట్ రెన్‌షా(102 నాటౌట్), సారథి ప్యాట్ కమిన్స్‌(43)లు ఆదుకున్నారు. ఓవర్‌నైట్ స్కోర్ 187/6తో రెండో రోజు ఆట మొదలెట్టిన కంగారూ జట్టును రెన్‌షా ఒడ్డున పడేశాడు.

A three-year Test exile. No Test hundred since 2017. Facing the reigning World Test Champions, away from home, with Australia in big trouble at 84-4.

The odds meant nothing. Matt Renshaw delivers a defiant Durban masterclass 👏 https://t.co/rvisPja9xC

— Cricinfo (@cricinfo) October 10, 2026

అనుభవజ్ఞులైన ట్రావిస్ హెడ్‌(9), లబూషేన్‌(37), స్టీవెన్ స్మిత్(25), అలెక్స్ క్యారీ(14)లు విఫలమైన చోట క్రీజులో పాతుకుపోయి సఫారీలను తిప్పలు పెట్టిన అతడు.. ఈ ఫార్మాట్‌లో రెండోసారి మూడంకెల స్కోరందుకున్నాడు. రెన్‌షా అసమాన పోరాటం ఫలితంగా భోజన విరామం సమయానికి పర్యాటక జట్టు 8 వికెట్ల నష్టానికి 277 పరుగులతో పటిష్ట స్థితిలో నిలిచింది. శతక వీరుడికి జతగా సీనియర్ ఆటగాడు నాథన్ లియన్(8 నాటౌట్) ఉన్నాడు. ప్రొటిస్ బౌలర్లలో వియాన్ మల్డర్(4-51) నాలుగు వికెట్లు తీశాడు.