Australia Open 2023 : ఆస్ట్రేలియా ఓపెన్లో భారత స్టార్ షట్లర్లు జోరు కొనసాగిస్తున్నారు. హెచ్ఎస్ ప్రణయ్( HS Prannoy), పీవీ సింధు(PV Sindhu), కిదాంబి శ్రీకాంత్(Kidambi Srikanth), ప్రియాన్సు రజావత్(Priyanshu Rajawat ) క్వార్టర్స్లో అడుగుపెట్టారు. ప్రణయ్ రెండో రౌండ్లో చైనీస్ తైపీ ఆటగాడు చి యూ జెన్(Chi Yu Jen)ను చిత్తుగా ఓడించాడు. తొలి సెట్ కోల్పోయినా కూడా పట్టుదలతో పోరాడిన ప్రణయ్ చివరి రెండు సెట్లు గెలుచుకున్నాడు. 74 నిమిషాల పాటు హోరాహోరీగా జరిగిన మ్యాచ్లో 19-21, 21-19, 21-13తో విజయం సాధించి క్వార్టర్స్కు దూసుకెళ్లాడు. గత ఎనిమిది టోర్నమెంట్లలో అతను క్వార్టర్స్ చేరడం ఇది ఆరోసారి.
మరో మ్యాచ్లో.. శ్రీకాంత్ చైనీస్ తైపీకి చెందిన సు లీ యాంగ్ను ఓడించాడు. రజావత్ కూడా చైనీస్ తైపీ ప్లేయర్ వాంగ్ జూ వీ ను చిత్తు చేసి క్వార్టర్స్కు చేరాడు. ఏడో ర్యాంకర్ను చిత్తు చేసిన భారత యువ సంచలనం మిధున్ మంజునాథ్(Mithun Manjunath) నిరాశ పరిచాడు. మలేషియా ఆటగాడు లీ జీ జియా చేతిలో అనూహ్యంగా ఓడి, ఇంటిదారి పట్టాడు.
పీవీ సింధు
ఒలింపిక్ మెడలిస్ట్ సింధు భారత్కే చెందిన ఆకర్షి కశ్యప(Aakarshi Kashyap)ను చిత్తు చేసి క్వార్టర్స్ చేరింది. ఈ ఏడాది తొలి టైటిల్ వేటలో ఉన్న ఆమె 21-14, 21-10తో అవలీలగా గెలుపొందింది. తర్వాతి రౌండ్లో సింధుకు గట్టి ప్రత్యర్థి ఎదురవనుంది. అమెరికాకు చెందిన నాలుగో సీడ్ బీవెన్ జాంగ్(Beiwen Zhang)తో ఆమె తలపడనుంది. ఈ సీజన్లో క్వార్టర్స్ స్టేజ్ దాటలేకపోయిన సింధు ఈసారైనా ముందడుగు వేస్తుందా? లేదా? అనే ఆసక్తి అందరిలో నెలకొంది.