తైక్వాండోలో పవర్‌ హౌజ్‌ లిటిల్‌ చాంప్స్‌ ప్రతిభ

నగరంలో ఈనెల 28-29 తేదీల్లో జరిగిన 14వ తెలంగాణ ఓపెన్‌ స్టేట్‌ లెవల్‌ ఇంటర్‌ స్కూల్‌ తైక్వాండో చాంపియన్‌షిప్‌-2026 పోటీల్లో పవర్‌ హౌజ్‌ తైక్వాండో అకాడమీ లిటిల్‌ చాంప్స్‌ విద్యార్థులు అద్భుత ప్రతిభ కనబర్చి పతకాల పంట పండించారు.

హైదరాబాద్‌, ఆట ప్రతినిధి: నగరంలో ఈనెల 28-29 తేదీల్లో జరిగిన 14వ తెలంగాణ ఓపెన్‌ స్టేట్‌ లెవల్‌ ఇంటర్‌ స్కూల్‌ తైక్వాండో చాంపియన్‌షిప్‌-2026 పోటీల్లో పవర్‌ హౌజ్‌ తైక్వాండో అకాడమీ లిటిల్‌ చాంప్స్‌ విద్యార్థులు అద్భుత ప్రతిభ కనబర్చి పతకాల పంట పండించారు. రాష్ట్రం నలుమూలల నుంచి క్రీడాకారులు పాల్గొన్న ఈ టోర్నీలో పవర్‌ హౌజ్‌ అకాడమీ మొత్తం 16 పతకాలతో సత్తాచాటింది.

అకాడమీ నుంచి 19 మంది క్రీడాకారులు బరిలో నిలువగా వారిలో ఏకంగా 16 మంది మెడల్స్‌ నెగ్గడం గమనార్హం. పవర్‌ హౌజ్‌ జట్టు క్యోరుగు, పూమ్సే విభాగాల్లో 9 బంగారు పతకాలు, ఒక రజతం, 6 కాంస్యాలు సాధించింది. జాతీయ స్థాయి చాంపియన్లను తయారుచేయడమే లక్ష్యంగా పవర్‌ హౌజ్‌ అకాడమీ క్రమశిక్షణ, నిరంతర సాధనతో ముందుకు సాగుతున్నదని నిర్వాహకులు తెలిపారు.