RR vs CSK | నిప్పులు చెరిగిన బర్గర్, ఆర్చర్.. స్వల్ప స్కోర్‌కే కుప్పకూలిన చెన్నై..!

RR vs CSK : ఐపీఎల్‌ లీగ్ దశ తొలి మ్యాచ్‌లో చెన్నై సూపర్ కింగ్స్‌ బ్యాటర్లు చేతులెత్తేశారు. నంద్రె బర్గర్(2-26), జోఫ్‌రా ఆర్చర్‌(2-19)ల ధాటికి టాపార్డర్ కుప్పకూలగా.. మిడిలార్డర్‌ను రవీంద్ర జడేజా(2-18) పడగొట్టాడు.

RR vs CSK : ఐపీఎల్‌ లీగ్ దశ తొలి మ్యాచ్‌లో చెన్నై సూపర్ కింగ్స్‌(CSK) బ్యాటర్లు చేతులెత్తేశారు. నంద్రె బర్గర్(2-26), జోఫ్‌రా ఆర్చర్‌(2-19)ల ధాటికి టాపార్డర్ కుప్పకూలగా.. మిడిలార్డర్‌ను రవీంద్ర జడేజా(2-18) పడగొట్టాడు. 51కే సగం వికెట్లు పడిన చెన్నై వంద లోపే కుప్పకూలేలా కనిపించింది. కానీ, కార్తిక్ శర్మ(18), టెయిలెండర్ జేమీ ఓవర్టన్(43)లు అద్భుతంగా పోరాడారు. సందీప్ శర్మ ఓవర్లో ఓవర్టన్ సిక్సర్ బాది ఐదుసార్లు ఛాంపియన్‌కు గౌరవప్రదమైన స్కోరందించాడు.

పంతొమ్మిదో సీజన్‌లో వరుసగా రెండు మ్యాచుల్లో రెండొందల స్కోర్ నమోదవ్వగా.. చెన్నై సూపర్ కింగ్స్ మాత్రం తడబడింది. గువాహటిలో రాజస్థాన్ రాయల్స్ పేసర్ల విజృంభణతో టాపార్డర్ చేతులెత్తేయగా చెన్నై స్కల్ప స్కోర్‌కే పరిమితమైంది. టాస్ ఓడిన సీఎస్కేకు శుభారంభం లభించలేదు. కెప్టెన్ రుతురాజ్ గైక్వాడ్‌(6)తో కలిసి ఇన్నింగ్స్ ఆరంభించిన సంజూ శాంసన్‌(6)ను నంద్రె బర్గర్(2-26) బౌల్డ్ చేశాడు. డిఫెన్స్ ఆడాలనుకున్న అతడి అంచనా తప్పగా బంతి ఆఫ్ స్టంప్‌ను గిరాటేసింది. ఆ తర్వాతి ఓవర్లో గైక్వాడ్‌ను ఆర్చర్‌ ఔట్ చేయగా.. ఆయుష్ మాత్రే(0)ను బర్గర్ పెవిలియన్ చేర్చాడు.

A special return in Pink for Ravindra Jadeja 🩷

🎥 Two quick wickets in his very first over back for the Royals 🔥

Updates ▶️ https://t.co/UzbuFk5G26#TATAIPL | #KhelBindaas | #RRvCSK | @rajasthanroyals | @imjadeja pic.twitter.com/leq4EyMRha

— IndianPremierLeague (@IPL) March 30, 2026

జడ్డూ జాదూ

బర్గర్, ఆర్చర్ విజృంభణతో పవర్ ప్లేలోనే నాలుగు వికెట్లు పడ్డాయి. ఆ దశలో ఇంప్యాక్ట్ ప్లేయర్‌ సర్ఫరాజ్ ఖాన్‌(17) జట్టును ఆదుకునే ప్రయత్నం చేశాడు. కానీ, సుదీర్ఘ విరామం తర్వాత రాజస్థాన్‌కు ఆడుతున్న జడేజా తొలి ఓవర్లోనే తన మ్యాజిక్ చూపించాడు. పెద్ద షాట్లకు సిద్ధమైన సర్ఫరాజ్‌ను ఎల్బీగా ఔట్ చేయగా.. చెన్నై 51కే ఐదు వికెట్లు కోల్పోయింది.

ఆవెంటనే సిక్సర్ బాదిన శివం దూబే(6)ను సైతం జడ్డూ ఔట్ చేసి చెన్నైని మరింత కష్టాల్లోకి నెట్టాడు. ప్రధాన ఆటగాళ్లు విఫలమైనా కార్తిక్ శర్మ(18), జేమీ ఓవర్టన్(43)లు గొప్పగా ఆడారు. సందీప్ శర్మ ఓవర్లో బౌండరీతో సీఎస్కే స్కోర్ వంద దాటించాడు ఓవర్టన్. అన్షుల్ కంభోజ్‌ (7 నాటౌట్) రెండు ఫోర్లు బాదగా.. ఇన్నింగ్స్ ఆఖరి ఓవర్లో ఓవర్టన్ సిక్స్ బాదగా చెన్నై 127 పరుగులకే ఆలౌటైంది.