Nick Kyrgios : ఆస్ట్రేయాకు చెందిన నిక్ కిర్గియోస్ రెండు టోర్నీలకు దూరం కానున్నాడు. మోకాలి సమస్య కారణంగా అతను వచ్చే నెలలో ప్రారంభం కానున్న ఇండియన్ వెల్స్ మాస్టర్స్, మియామీ ఓపెన్ల నుంచి వైదొలిగాడు. జనవరిలో ఎడమ మోకాలికి కిర్గియోస్ సర్జరీ చేసుకున్నాడు. దాంతో కోలుకునేందుకు విశ్రాంతి తీసుకోవాలి అనుకున్నాడు.
ఈ రెండు టోర్నమెంట్లలో ఆడడం లేదని అతను ఈ రోజు వెల్లడించాడు. వరల్డ్లో 19వ ర్యాంకులో ఉన్న కిర్గియోస్ ఈ ఏడాది ఒక్క మ్యాచ్ కూడా ఆడలేదు. నిక్ కిర్గియోస్ మార్చిలో మళ్లీ టెన్నిస్ కోర్టులో దిగుతాడని అతని మేనేజర్ డానియెల్ హార్స్ఫాల్ వెల్లడించాడు.
గత ఏడాది రెండో అర్ధభాగంలో కిర్గియోస్ కెరీర్లోనే బెస్ట్ టెన్నిస్ ఆడాడు. ఈ యంగ్ టెన్నిస్ సంచలనం తొలిసారి గ్రాండ్స్లామ్ (వింబుల్డన్) ఫైనల్ చేరాడు. అయితే.. ఫైనల్లో ఓటమి పాలయ్యాడు. ఆగష్టులో ఏటీపీ 500 సిటీ ఓపెన్ టైటిల్ గెలిచాడు. అంతేకాదు సెప్టెంబర్లో జరిగిన యూఎస్ ఓపెన్లో క్వార్టర్ ఫైనల్ వరకు వెళ్లాడు. సూపర్ ఫామ్లో ఉన్న అతను మోకాలి నొప్పి కారణంగా జపాన్ ఓపెన్ నుంచి వైదొలిగాడు.