BAN vs AUS: బంగ్లా బౌల‌ర్‌తో మాట‌ల ఘ‌ర్ష‌ణ‌కు దిగిన ఆసీస్ బ్యాట‌ర్‌.. వీడియో

BAN vs AUS: బంగ్లా బౌల‌ర్ న‌హిద్ రాణా.. ఆసీస్ బ్యాట‌ర్ జోష్ ఇంగ్లిష్ మ‌ధ్య‌ మాట‌ల ఘ‌ర్ష‌ణ జ‌రిగింది. తొలి వ‌న్డేలో ఈ ఘ‌ట‌న చోటుచేసుకున్న‌ది. బౌన్స‌ర్ కి క్యాచ్ అవుట్ అయిన ఇంగ్లిష్‌.. ఆవేశంలో బంగ్లా బౌల‌ర్‌ను ఏదో తిట్టేశాడు. దీంతో మైదానంలో కాసేపు టెన్ష‌న్ వాతావ‌ర‌ణం నెల‌కొన్న‌ది.

ఢాకా: ఆస్ట్రేలియాకు తొలి వ‌న్డే(BAN vs AUS)లో బంగ్లాదేశ్ షాక్ ఇచ్చిన విష‌యం తెలిసిందే. ఆ మ్యాచ్‌లో డ‌క్ వ‌ర్త్ లూయిస్ ప‌ద్ధ‌తి ప్రకారం 86 ప‌రుగుల తేడాతో బంగ్లాదేశ్ స్ట‌న్నింగ్ విక్ట‌రీ న‌మోదు చేసింది. అయితే పేస్ బౌల‌ర్ న‌హీద్ రాణా.. త‌న బౌలింగ్‌తో ద‌డ‌పుట్టించాడు. రాణా స్పీడ్‌కు కంగారులు చేతులెత్తేశారు. ఇక ఈ మ్యాచ్‌లో ఆస్ట్రేలియాకు స్టాండ్ ఇన్ కెప్టెన్‌గా ఉన్న జోష్ ఇంగ్లిష్ వికెట్‌ను రాణానే తీసుకున్నాడు. ఇంగ్లిష్ ఔటైన స‌మ‌యంలో కాస్త ఉత్కంఠ నెల‌కొన్న‌ది. బౌల‌ర్ రాణా, బ్యాట‌ర్ జోష్ ఇంగ్లిష్ మ‌ధ్య మాట‌ల యుద్ధం న‌డిచింది.

ఈ ఘ‌ట‌న చేజింగ్ చేస్తున్న స‌మ‌యంలో 11వ ఓవ‌ర్‌లో జ‌రిగింది. రాణా వేసిన బౌన్స‌ర్‌.. ఇంగ్లిష్ బ్యాట్‌కు త‌గిలి.. కీప‌ర్ చేతుల్లోకి వెళ్లింది. అయితే ఆ వికెట్‌ను రాణా సెల‌బ్రేట్ చేసుకున్నాడు. ఆ స‌మ‌యంలో ఇంగ్లిష్ కాస్త అసహ‌నానికి లోన‌య్యాడు. ఆవేశంలో పేస్ బౌల‌ర్‌తో వాగ్వాదానికి దిగాడు.

బంగ్లా కెప్టెన్ మెహిదీ హ‌స‌న్ మీర్జా జోక్యం చేసుకుని ఆస్ట్రేలియా బ్యాట‌ర్‌ను కూల్ చేశాడు. ఆ ద‌శ‌లో ఆస్ట్రేలియా 51 ర‌న్స్‌కే మూడు వికెట్లు కోల్పోయింది. ఇక మ్యాచ్‌లో ఈ వికెట్ ట‌ర్నింగ్ పాయింట్‌గా మారింది. రాణా, ఇంగ్లిష్ మాట‌ల ఘ‌ర్ష‌ణ‌కు చెందిన వీడియో ప్ర‌స్తుతం వైర‌ల్ అవుతోంది.

A heated moment between Josh Inglis and Nahid Rana. 🔥
pic.twitter.com/ZVX9pqWNYg

— Sheri. (@CallMeSheri1_) June 9, 2026