FIFA : క్రికెట్ వరల్డ్ కప్ ముగిసిందో లేదో ఫుట్బాల్ వరల్డ్ కప్(FIFA World Cup) సమరం క్రీడాభిమానులను అలరించనుంది. ఫిఫా వరల్డ్ కప్ 2026 క్వాలిఫయర్ పోటీలు ఉత్కంఠగా జరుగుతున్నాయి. కెనడా, మెక్సికో, అమెరికా ఆతిథ్యం ఇస్తున్న ఈ మెగా టోర్నీకి ఇప్పటికే పెద్ద జట్లు క్వాలిఫై అయ్యాయి. ఈ సమయంలోనే 2030లో టోర్నీకి ఆతిథ్యమిచ్చేందుకు పోటీ పడుతున్నాయి.
తాజాగా వరల్డ్ కప్ నిర్వహణ హక్కులు తమకు కల్పించాలని కొన్ని దేశాలు బిడ్స్ వేశాయి. మొరాకో, పోర్చుగల్, స్పెయిన్ దేశాలు 2030 ప్రపంచ కప్ పోటీలకు ఆతిథ్యమిచ్చేందుకు బిడ్స్ వేశాయని శుక్రవారం అంతర్జాతీయ ఫుట్బాల్ సమాఖ్య(FIFA) తెలిపింది. ఈ మూడు దేశాలు ఫుట్బాల్ సమాఖ్య నియమ నిబంధనలకు అంగీకరించి బిడ్స్ వేశాయని రాయల్ మొరాకో ఫుట్బాల్ ఫెడరేషన్ వెల్లడించింది.
ఎంబాపే, లియోనల్ మెస్సీ
ఖతార్లో నిరుడు జరిగిన వరల్డ్ కప్లో అర్జెంటీనా(Arjentina) విజేతగా నిలిచింది. ఉత్కంఠ రేపిన ఫైనల్లో లియోనల్ మెస్సీ(Lionel Messi) సేన ఫ్రాన్స్ను మట్టికరిపించి మూడోసారి ట్రోఫీని ఎగరేసుకుపోయింది. టైటల్ పోరులో హ్యాట్రిక్ గోల్స్తో హడలెత్తించిన ఫ్రాన్స్ స్టార్ ప్లేయర్ కిలియన్ ఎంబాపే గోల్డెన్ బూట్(Golden Boot) అవార్డు గెలుచుకున్నాడు.