IPL | లక్నో సూపర్.. ముంబై పై ఉత్కంఠ విజయం
ఐపీఎల్ ప్లేఆఫ్స్ రేసు రసవత్తరంగా సాగుతున్నది. ఫైనల్-4లో నిలువాలంటే ప్రతీ మ్యాచ్ కీలకమైన నేపథ్యంలో జట్లన్నీ అద్భుత పోరాట పటిమ కనబరుస్తున్నాయి. గెలిస్తే గానీ నిలువలేని పరిస్థితుల్లో లక్నో సూపర్జెయింట్స్ అదరగొట్టింది.
- ప్లేఆఫ్స్ రేసులో జెయింట్స్ ముందంజ
- రాణించిన స్టొయినిస్,మోసిన్
IPL | ఐపీఎల్ ప్లేఆఫ్స్ రేసు రసవత్తరంగా సాగుతున్నది. ఫైనల్-4లో నిలువాలంటే ప్రతీ మ్యాచ్ కీలకమైన నేపథ్యంలో జట్లన్నీ అద్భుత పోరాట పటిమ కనబరుస్తున్నాయి. గెలిస్తే గానీ నిలువలేని పరిస్థితుల్లో లక్నో సూపర్జెయింట్స్ అదరగొట్టింది. సొంతగడ్డపై ముంబై ఇండియన్స్తో జరిగిన మ్యాచ్లో తుదికంటా పోరాడి మ్యాచ్ను తన వశం చేసుకుంది. స్టొయినిస్, కృనాల్ బ్యాటింగ్తో పోరాడే స్కోరు అందుకున్న లక్నో..ముంబై ప్లేఆఫ్స్ అవకాశాలపై నీళ్లు చల్లింది. మోసిన్ఖాన్ సూపర్ బౌలింగ్తో లక్నోకు చిరస్మరణీయ విజయాన్నందించాడు.
లక్నో: గెలుపు దోబూచులాడిన మ్యాచ్లో ముంబై ఇండియన్స్పై లక్నో సూపర్జెయింట్స్దే పైచేయి అయ్యింది. ఆఖరి వరకు అభిమానులను మునివేళ్లపై నిలబెట్టిన మ్యాచ్లో లక్నో అద్భుత విజయాన్ని సొంతం చేసుకుంది. మంగళవారం ఉత్కంఠగా సాగిన మ్యాచ్లో లక్నో 5 పరుగుల తేడాతో ముంబైని మట్టికరిపించింది. దీంతో 13 మ్యాచ్ల్లో ఏడు విజయాలతో లక్నో 15 పాయింట్లతో మూడో స్థానానికి ఎగబాకితే.. ముంబై(14) నాలుగో స్థానంలో ఉంది. మ్యాచ్ విషయానికొస్తే..లక్నో నిర్దేశించిన 178 పరుగుల లక్ష్యఛేదనలో ముంబై 172/5 స్కోరుకు పరిమితమైంది. లక్ష్యఛేదనలో ఇషాన్ కిషన్(59) అర్ధసెంచరీతో ఆకట్టుకున్నా..కెప్టెన్ రోహిత్శర్మ(37), సూర్యకుమార్యాదవ్(7), నేహాల్ వదెరా(16)నిరాశపరిచారు.
ఆఖర్లో జట్టును గెలిపించేందుకు టిమ్ డేవిడ్(32 నాటౌట్) ప్రయత్నించినా లాభం లేకపోయింది. చివరి ఓవర్లో విజయానికి 11 పరుగులు అవసరమైన దశలో మోసిన్ఖాన్ ఐదు పరుగులే ఇచ్చి లక్నోకు అదిరిపోయే విజయాన్ని కట్టబెట్టాడు. అప్పటికే క్రీజులో కుదురుకున్న హార్డ్హిట్టర్లు డేవిడ్, గ్రీన్ను మోసిన్ తనదైన బౌలింగ్తో కట్టడి చేశాడు. యశ్ ఠాకూర్(2/40), రవి బిష్ణోయ్(2/26) రెండేసి వికెట్లు తీశారు. అంతకుముందు స్టొయినిస్(47 బంతుల్లో 89 నాటౌట్, 4ఫోర్లు, 8సిక్స్లు) అజేయ అర్ధసెంచరీతో ఆకట్టుకోగా, కెప్టెన్ కృనాల్ పాండ్యా(49, రిటైర్డ్ హర్ట్) రాణించాడు. 35 పరుగులకే మూడు వికెట్లు కోల్పోగా, వీరిద్దరు సమయోచిత ఇన్నింగ్స్తో పోరాడే స్కోరు అందించారు. స్టొయినిస్కు మ్యాన్ ఆఫ్ ద మ్యాచ్ దక్కింది.
సంక్షిప్త స్కోర్లు
లక్నో: 20 ఓవర్లలో 177/3(స్టొయినిస్ 89 నాటౌట్, కృనాల్ పాండ్యా 49 రిటైర్డ్హర్ట్, బెహెన్డార్ఫ్ 2/30, చావ్లా 1/26),
ముంబై: 20 ఓవర్లలో 172/5(కిషన్ 59, రోహిత్శర్మ 37, బిష్ణోయ్ 2/26, ఠాకూర్ 2/40)

01
Read Today's Latest Sports News in Telugu and Telugu News
RELATED ARTICLES
తాజా వార్తలు
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
PF Withdraw | ఇకపై నెలనెలా పీఎఫ్ విత్డ్రా.. సిస్టమాటిక్ విత్డ్రాయల్ ప్లాన్కు ఈపీఎఫ్వో ఆమోదం
Shah Rukh Khan | షారుఖ్ఖాన్అరుదైన ఘనత.. ది 100 గ్రేటెస్ట్ మూవీ స్టార్స్ ఆఫ్ ఆల్టైమ్ జాబితాలో చోటు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

