IPL 2023 | ల‌క్నో, చెన్నై ఫ్రాంఛైజీలకు షాక్.. ఆ ఇద్ద‌రు పేస‌ర్లు ఆడేది అనుమాన‌మే!

ప‌ద‌హారో సీజ‌న్ ఐపీఎల్‌(IPL)కు ముందు ల‌క్నో సూప‌ర్ జెయింట్స్(Lucknow Super Giants), చెన్నై సూప‌ర్ కింగ్స్(Chennai Super Kings) ఫ్రాంఛైజీల‌కు షాక్. ల‌క్నో పేస‌ర్ మొహ్సిన్ ఖాన్, చెన్నై ఫాస్ట్ బౌల‌ర్ ముకేశ్ చౌద‌రీ ఈ సీజ‌న్‌లో ఆడేది అనుమాన‌మే అని స‌మ‌చారం. గాయంతో బాధ‌ప‌డుతున్న వీళ్లిద్ద‌రూ పూర్తిగా కోలుకోలేదు. ప్ర‌స్తుతం వీళ్లు రిహాబిలిటేష‌న్‌లో ఉన్నారు.

IPL 2023 : ప‌ద‌హారో సీజ‌న్ ఐపీఎల్‌(IPL)కు ముందు ల‌క్నో సూప‌ర్ జెయింట్స్(Lucknow Super Giants), చెన్నై సూప‌ర్ కింగ్స్(Chennai Super Kings) ఫ్రాంఛైజీల‌కు షాక్. ల‌క్నో పేస‌ర్ మొహ్సిన్ ఖాన్, చెన్నై ఫాస్ట్ బౌల‌ర్ ముకేశ్ చౌద‌రీ ఈ సీజ‌న్‌లో ఆడేది అనుమాన‌మే అని స‌మ‌చారం. గాయంతో బాధ‌ప‌డుతున్న వీళ్లిద్ద‌రూ పూర్తిగా కోలుకోలేదు. ప్ర‌స్తుతం వీళ్లు రిహాబిలిటేష‌న్‌లో ఉన్నారు. మ‌రోవైపు ఐపీఎల్ 2023కు వారం రోజులే ఉంది. ఆలోపు వీళ్లు ఫిట్‌నెస్ సాధిస్తారా? లేదా? అని ల‌క్నో, చెన్నై జ‌ట్లు ఆందోళ‌న‌తో ఉన్నాయి.

‘ముకేశ్ కోసం మేము ఎదురు చూస్తున్నాం. కానీ, మాకు అత‌ను కోలుకుంటాడ‌నే న‌మ్మ‌కం లేదు. గ‌త సీజ‌న్‌లో అత‌ను మా బౌలింగ్ ద‌ళంలో కీల‌క స‌భ్యుడు. ఒక‌వేళ ఈసీజ‌న్‌లో అత‌ను ఆడ‌కుంటే అది మా దుర‌దృష్టం’ అని సీఎస్కే సీఈఓ కాశీ విశ్వ‌నాథ‌న్ తెలిపాడు. ముకేశ్ 13 మ్యాచుల్లో 16 వికెట్లు ప‌డ‌గొట్టాడు. మొహ్సిన్ 9 మ్యాచుల్లో 14 వికెట్లు తీశాడు.

ఆరంభ పోరు వీళ్ల మ‌ధ్యే..

ఐపీఎల్ 16వ‌ సీజ‌న్ మార్చి 31న అట్ట‌హాసంగా ప్రారంభం కానుంది. తొలి మ్యాచ్‌లో డిఫెండింగ్ చాంపియ‌న్ గుజ‌రాత్ టైట‌న్స్, నాలుగు సార్లు ట్రోఫీ విజేత చెన్నై సూప‌ర్ కింగ్స్ త‌ల‌ప‌డ‌నున్నాయి. క‌రోనా కార‌ణంగా గ‌త‌ రెండు సీజ‌న్ల‌ను యూఏఈలో నిర్వ‌హించిన విష‌యం తెలిసిందే. ఈసారి సొంత‌గ‌డ్డ‌పై జ‌ర‌గ‌నున్న‌ ఐపీఎల్ స‌రికొత్త‌గా ఉండ‌నుంది. టాస్ త‌ర్వాత తుది జ‌ట్టును ఎంచుకోవ‌డం, ఇంప్యాక్ట్ ప్లేయ‌ర్‌ను ఆడించ‌డం వంటివి ఈసారి ఐపీఎల్ ప్ర‌త్యేక‌త‌లు. అంతేకాదు ప్ర‌తి టీమ్ సొంతగ్రౌండ్‌లో ఏడు మ్యాచ్‌లు ఆడ‌నుంది.

ఇవి కూడా చ‌ద‌వండి

Ricky Ponting | ఈ సీజ‌న్‌లో మైదానంలోకి దిగ‌కున్నా.. జ‌ట్టుతోనే పంత్ : రికీ పాంటింగ్

IPL 2023 | ఒక‌ప్పుడు చెంప దెబ్బ వివాదంతో వార్త‌ల్లో.. ఇప్పుడు కామెంట‌రీ ప్యానెల్‌లో జంటగా