10K Cricketers Club | టెస్ట్ క్రికెట్‌లో `ట‌న్ను`ల రారాజులు వీరే!

10K Cricketers Club | ఇంగ్లండ్ బ్యాట‌ర్‌ జో రూట్ టెస్ట్ క్రికెట్‌లో 10 వేల ప‌రుగులు చేశాడు. ఇంగ్లండ్‌లో ఆ మైలురాయి దాటిన రెండో క్రికెట‌ర్‌.

10K Cricketers Club | ఇప్పుడంటే అంతా టీ-20 క్రికెట్ మ్యాచ్‌ల‌పై మ‌న‌స్సు పారేసుకుంటున్నారు.. కానీ.. గ‌తంలో టెస్ట్ మ్యాచ్‌ల్లో బ్యాట్స్‌మ‌న్ల వీర విహారంపైనే దృష్టి పెట్టేవారు. సెంచ‌రీలు చేసే క్రికెట‌ర్ల‌పై కన్నేసేవారు. అలా టెస్ట్ క్రికెట్‌లో సెంచ‌రీల‌తోపాటు ఓవ‌రాల్‌గా 10 వేల ప‌రుగుల మార్క్‌ను దాటిన బ్యాట్స్‌మ‌న్లు ఉన్నారు. తాజాగా న్యూజిలాండ్‌తో జ‌రుగుతున్న తొలి టెస్ట్ మ్యాచ్‌లో ఇంగ్లండ్ జ‌ట్టు బ్యాట్స్‌మ‌న్ జో రూట్‌.. 10 వేల ప‌రుగులు సాధించిన క్రికెట‌ర్ల క్ల‌బ్‌లో జ‌త క‌లిశాడు. టెస్ట్ మ్యాచ్ నాలుగో రోజే జో రూట్ ఈ మైలురాయి దాట‌డం అరుదైన విష‌య‌మే. జో రూట్ కేవ‌లం 218వ ఇన్నింగ్స్‌లోనే ఈ మార్క్‌ను చేరాడ‌ని, అతి ఫాస్టెస్ట్ బ్యాట్స్‌మ‌న్‌గా నిలిచాడ‌ని చెబుతున్నారు. 10వేల ప‌రుగుల బ్యాట్స్‌మ‌న్ క్ల‌బ్‌లో చేరిన ఇంగ్లండ్ క్రికెట‌ర్ల‌లో జో రూట్ రెండో వ్య‌క్తి. ఇంత‌కుముందు అల‌స్ట‌యిర్ కుక్ ఈ రికార్డు నెల‌కొల్పాడు. అల‌స్ట‌యిర్ కుక్ త‌న 229వ ఇన్నింగ్స్‌లో ఈ మైలురాయిని చేరుకున్నాడు.

లార్డ్స్‌లో జ‌రిగిన జ‌రిగిన తొలి టెస్ట్ మ్యాచ్‌లో 115 ప‌రుగుల‌తో నాటౌట్‌గా నిలిచి కివీస్‌పై ఐదు వికెట్ల తేడాతో ఇంగ్లండ్ గెలుపొంద‌డానికి కార‌ణ‌మ‌య్యాడు జో రూట్‌. దీంతో మూడు టెస్ట్ మ్యాచ్‌ల సిరీస్‌లో ఇంగ్లండ్ ఒక మ్యాచ్ గెలిచి పై చేయి సాధించింది. ఇంకా రెండు టెస్ట్ మ్యాచ్‌లు జ‌రుగాల్సి ఉంది.

టెస్ట్ క్రికెట్‌లో 10 వేల ప‌రుగులు చేసిన బ్యాట్స్‌మ‌న్లు వీరే..

1. స‌చిన్ టెండూల్క‌ర్ (టీం ఇండియా) – 15,921

2. రికీ పాంటింగ్ (ఆస్ట్రేలియా) – 13,378

3. జాక్విస్ క‌ల్లిస్ (ద‌క్షిణాఫ్రికా) – 13,289

4. రాహుల్ ద్రావిడ్ (టీం ఇండియా) – 13,288

5. అల‌స్ట‌యిర్ కుక్ (ఇంగ్లండ్) – 12,472

6. కుమార్ సంగ‌క్క‌ర (శ్రీ‌ల‌కం) – 12,400

7. బ్రియ‌న్ లారా (వెస్టిండీస్‌) – 11,953

8. శివ‌న్నారాయ‌ణ చంద‌ర్‌పాల్ (వెస్టిండీస్‌) – 11,867

9. మ‌హేలా జ‌య‌వ‌ర్ద‌నె ( శ్రీ‌లంక ) – 11,814

10. అలెన్ బోర్డ‌ర్ (ఆస్ట్రేలియా) – 11,174

11. స్టీవ్ వా (ఆస్ట్రేలియా) – 10,927

12. సునీల్ గ‌వాస్క‌ర్ (టీం ఇండియా) – 10,122

13. యూనిస్‌ఖాన్ (పాకిస్థాన్‌) – 10,099

14. జో రూట్ (ఇంగ్లండ్‌) – 10,015