Visit:
Lightning Kills Footballer : మైదానంలో మాట‌ల‌కంద‌ని విషాదం. అప్పటిదాకా హుషారుగా సహ‌చ‌రుల‌తో క‌లిసి ఫుట్‌బాల్ ఆడిన అత‌డు అనుకోకుండా మృత్యువు ఒడి చేరాడు. పిడుగుపాటు (Lightning)కు ఉన్నచోటనే ప్రాణాలు కోల్పోయాడు. ఈ హృద‌యవిదార‌క సంఘ‌ట‌న పెరూ దేశంలో జ‌రిగింది. 39 ఏండ్ల ఫుట్బాలర్ జోస్ హుగో (Jos Hugo) ఈ ప్ర‌మాదంలో చ‌నిపోయాడ‌ని, తీవ్రంగా గాయ‌ప‌డిన గోల్‌కీప‌ర్ జాన్ చొక్కా ల‌ల‌క్టా ప‌రిస్థితి విష‌మంగా ఉందని సోమ‌వారం పెరూ ఫుట్‌బాల్ సంఘం వెల్ల‌డించింది.
పెరూలోని చిల్కా న‌గ‌రంలో సోమ‌వారం స్థానిక జ‌ట్లు అయిన జువెంటుడ్ బెల్లావిస్తా, ఫామిలియా చొక్కాల మ‌ధ్య ఫుట్‌బాల్ మ్యాచ్ జ‌రిగింది. ఆ స‌మ‌యంలో అనుకోకుండా వాతావ‌ర‌ణం మేఘావృత‌మై ఉరుములు, మెరుపులు ద‌డ‌పుట్టించాయి. అంద‌రూ అప్ర‌మ‌త్తం అవుతుండ‌గానే పెద్ద శ‌బ్దంతో మైదానంలో పిడుగు ప‌డింది.
🚨🇵🇪LIGHTNING STRIKES SOCCER MATCH IN PERU
Jose Hugo de la Cruz Meza, 39, was killed instantly, and 5 players were injured during a regional tournament in Chilca.
Goalkeeper Juan Chocca Llacta, 40, also received a direct strike and was rushed to hospital in a taxi with serious… pic.twitter.com/7zdnwAoc8c
— Mario Nawfal (@MarioNawfal) November 4, 2024
అయితే.. మ్యాచ్ ఆడుతున్న జోస్ హుగో చేతికి ఉన్న లోహ‌పు బ్రాస్‌లెట్ (Metal Bracelet) అయ‌స్కాంతంలా ఆ పిడుగును లాగేసింది. దాంతో, ఉన్నచోటనే కుప్ప‌కూలిన జోస్ ఆ వేడికి అక్క‌డే ప్రాణాలు విడిచాడు. గోల్‌కీప‌ర్ అయిన జాన్ చొక్కా ప్రాణాలు నిలిచాయి కానీ తీవ్ర గాయాల‌తో ఆస్ప‌త్రి పాల‌య్యాడు. అప్పటిదాకా త‌మ‌తో ఆడిన వ్యక్తి చూస్తుండగానే నేల‌కొర‌గ‌డంతో ఇరుజ‌ట్ల ఆట‌గాళ్లు విచారం వ్య‌క్తం చేశారు.
