కోల్కతా, లక్నో జట్ల మధ్య జరిగిన ఉత్కంఠ పోరులో విజయం లక్నోనే వరించింది. చివరి ఓవర్లో 21 పరుగులు అవసరమైన స్థితిలో బాల్ అందుకున్న స్టొయినిస్.. తొలి మూడు బంతుల్లోనే 16 పరుగులిచ్చాడు. అయితే తర్వాతి బంతికి ఎల్విన్ లూయిస్ అందుకున్న అద్భుతమైన క్యాచ్కు రింకూ సింగ్ (15 బంతుల్లో 40) అవుటవడంతో మ్యాచ్ మలుపు తిరిగింది.
ఆ తర్వాత సమీకరణం ఒక్క బంతిలో మూడు పరుగులకు చేరింది. క్రీజులోకి వచ్చిన ఉమేష్ యాదవ్.. బంతిని సరిగా అంచనా వేయలేక క్లీన్ బౌల్డ్ అయ్యాడు. దీంతో లక్నో శిబిరం విజయోత్సవాల్లో మునిగిపోయింది. ఈ ఓటమితో కోల్కతా జట్టు ప్లేఆఫ్స్ ఆశలు ఆవిరయ్యాయి. 210 పరుగుల భారీ లక్ష్య ఛేదనలో కోల్కతా బ్యాటర్లు ధాటిగా ఆడారు.
ఓపెనర్లు వెంకటేశ్ అయ్యర్ (0), అభిజిత్ (4), ఆండ్రీ రస్సెల్ (5) విఫలమయ్యారు. అయితే కెప్టెన్ శ్రేయాస్ అయ్యర్ (50), నితీష్ రాణా (42), శామ్ బిల్లింగ్స్ (36), రింకూ సింగ్ (40), సునీల్ నరైన్ (7 బంతుల్లో 21 నాటౌట్) అద్భుతంగా ఆడి జట్టును విజయానికి చేరువ చేశారు.
కానీ విజయం మాత్రం ప్రత్యర్థినే వరించింది. లక్నో బౌలర్లలో మొహ్సిన్ ఖాన్, మార్కస్ స్టొయినిస్ చెరో మూడు వికెట్లతో చెలరేగగా.. కృష్ణప్ప గౌతమ్, రవి బిష్ణోయి తలో వికెట్ తీసుకున్నారు.
WHAT. A. GAME !!@LucknowIPL clinch a thriller by 2 runs.
Scorecard – https://t.co/NbhFO1ozC7 #KKRvLSG #TATAIPL pic.twitter.com/7AkXzwfeYk
— IndianPremierLeague (@IPL) May 18, 2022