Gautam Gambhir | సైన్యంలో చేరాల‌నుకున్నా.. కోల్‌క‌తా ‘నైట్స్ డ‌గౌట్‌’లో గంభీర్

Gautam Gambhir : ఐపీఎల్‌లో రెండు సార్లు చాంపియ‌న్ కోల్‌క‌తా నైట్ రైడ‌ర్స్ (Kolkata Knight Riders) ప‌దిహేడో సీజన్‌లో అద‌ర‌గొడుతోంది. ప‌దిహేడో సీజ‌న్ ముందు కోల్‌క‌తా మెంటార్‌(Kolkata Mentor)గా బాధ్య‌తలు చేపట్టిన గౌతీ సైన్యంలో చేరాల‌నుకున్నాడ‌ట‌. అయితే.. అనుకోకుండా క్రికెట‌ర్ అయ్యాన‌ని ఓ పొడ్‌కాస్ట్‌లో వెల్ల‌డించాడు.

Gautam Gambhir : ఐపీఎల్‌లో రెండు సార్లు చాంపియ‌న్ కోల్‌క‌తా నైట్ రైడ‌ర్స్ (Kolkata Knight Riders) ప‌దిహేడో సీజన్‌లో అద‌ర‌గొడుతోంది. మాజీ కెప్టెన్ గౌతం గంభీర్(Gautam Gambhir) మెంట‌ర్‌గా రావ‌డంతో కేకేఆర్ ఆటే మారిపోయింది. కోల్‌క‌తాకు మున‌ప‌టి దూకుడు నేర్పిన‌ గంభీర్ త‌న జీవితంలోని ప‌లు ఆస‌క్తిక‌ర విష‌యాలు పంచుకున్నాడు. సైర‌స్ బ్రొచాతో ‘నైట్స్ డ‌గౌట్‌’ (Knights Dugout)లో మాట్లాడిన గౌతీ.. తాను ఆర్మీలో చేరాల‌నుకున్నాన‌ని వెల్ల‌డించాడు. ‘నాకు చిన్న‌ప్ప‌టి నుంచి ఆర్సీలో చేరాల‌ని ఉండేది. అందుక‌నే 11వ త‌ర‌గ‌తి చ‌దివే స‌మ‌యంలో నేష‌న‌ల్ డిఫెన్స్ అకాడమీలో చేరాల‌నుకున్నా’ అని గంభీర్ తెలిపాడు.

‘ఆర్మీ అంటే నాకు ఇష్టం. నేను తొలిసారి ప్రేమ‌లో ప‌డింది సైన్యంతోనే. కానీ, నేను నా క‌ల‌ను నిజం చేసుకోలేక‌పోయాను. అవును.. మా అమ్మ ఓసారి నువ్వు ఏం అవుతావు? అని అడిగింది. అందుకు ఎన్డీఏలో చేరుతా. సైన్యంలో ప‌నిచేస్తా అని బదులిచ్చాను. అయితే.. విధి మ‌రొక‌టి ప్లాన్ చేసింది. దాంతో, ఆర్మీలో చేరాల్సిన నేను క్రికెట‌ర్ అయ్యాను’ అని గంభీర్ వెల్ల‌డించాడు.

‘నైట్స్ డ‌గౌట్‌’లో మాట్లాడుతున్న‌ గంభీర్

సైనికుడిగా ప‌ని చేయలేక‌పోయాన‌నే బాధ ఈ మాజీ క్రికెట‌ర్‌లో అలానే ఉండిపోయింది. అందుక‌ని ఎంతో కొంత ఆ దిగులును తీర్చుకోవాల‌నే ఉద్దేశంతో గౌతీ సేవాకార్య‌క్ర‌మాలు చేస్తున్నాడు. 2019లో పుల్వామా దాడి(Pulwama Attack)లో చ‌నిపోయిన సైనికుల పిల్ల‌ల చ‌దువు ఖ‌ర్చుల‌ను గంభీర్ భ‌రిస్తున్నాడు. బీజేపీ ఎంపీగా పనిచేసిన గంభీర్ 17వ సీజ‌న్‌కు ముందు పార్టీ వ్య‌వ‌హ‌రాల నుంచి త‌న‌ను దూరంగా పెట్టాల‌ని అధిష్ఠానాన్ని కోరిన విష‌యం తెలిసిందే.

కేకేఆర్ విక్ట‌రీ కెప్టెన్ 

కెప్టెన్‌గా కోల్‌క‌తాకు గంభీర్ రెండు ఐపీఎల్ ట్రోఫీలు అందించాడు. ఆ త‌ర్వాత దినేశ్ కార్తిక్, ఇయాన్ మోర్గాన్, క‌మిన్స్, నితీశ్ రానా, శ్రేయ‌స్ అయ్య‌ర్.. ఇలా సార‌థులు మారినా కేకేఆర్ ఆట సీజ‌న్ సీజ‌న్‌కు అధ్వాన్నంగా మారింది. దాంతో, కేకేఆర్ త‌మ విక్ట‌రీ కెప్టెన్ గౌతీని తిరిగి సొంత‌గూటికి ర‌ప్పించుకుంది. అంతే.. గంభీర్ వ్యూహంలో భాగంగా సునీల్ నరైన్ ఓపెనర్ అవ‌తార‌మెత్తాడు. గ‌త సీజ‌న‌ల్లో విఫ‌ల‌మైన‌ ర‌స్సెల్ సైతం 17వ సీజ‌న్‌లో ర‌ఫ్ఫాడిస్తున్నాడు. ఇంకేముంది ఐపీఎల్ చ‌రిత్ర‌లో కోల్‌క‌తా మూడో అత్య‌ధిక స్కోర్ కొట్టింది. అంతేకాదు ఈసారి పాయింట్ల ప‌ట్టిక‌లో రెండో స్థానంలో కొన‌సాగుతోంది.

ఇవి కూడా చ‌ద‌వండి

• Cyber Crime | సైబ‌ర్ క్రైమ్ డీసీపీ పేరిట రూ. 12 ల‌క్ష‌లు కాజేసిన సైబ‌ర్ నేర‌గాడు
• Election code | ‘ఓటుకు నీళ్లు’ ఆఫర్‌.. కర్ణాటక డిప్యూటీ సీఎంపై ఎన్నికల కోడ్‌ ఉల్లంఘన కేసు..!
• YS Jagan | నేను బచ్చా అయితే.. నా చేతిలో చిత్తుగా ఓడిన నిన్ను ఏమనాలి? చంద్రబాబుపై ఏపీ సీఎం జగన్‌ సెటైర్లు