Jos Buttler | పొట్టి క్రికెట్‌లో న‌న్ను భ‌య‌పెట్టిన బౌల‌ర్ అతనే : జోస్ బ‌ట్ల‌ర్

పొట్టి క్రికెట్‌లో భార‌త ఫాస్ట్ బౌల‌ర్ బుమ్రా త‌న‌ను భ‌య‌పెట్టాడ‌ని ఇంగ్లండ్ కెప్టెన్ జోస్ బ‌ట్ల‌ర్ అన్నాడు. పొట్టి క్రికెట్‌లో బ‌ట్ల‌ర్‌పై బుమ్రాకు మెరుగైన రికార్డు ఉంది. టీ20ల్లో అత‌డిని ఈ యార్క‌ర్ కింగ్ 4 సార్లు ఔట్ చేశాడు.

Jos Buttler : పొట్టి క్రికెట్‌లో ఇంగ్లండ్ కెప్టెన్ జోస్ బ‌ట్ల‌ర్ ఎంత‌టి విధ్యంస‌క ఆట‌గాడో అంద‌రికి తెలిసిందే. అలాంటి అత‌ను ఒక బౌల‌ర్‌ను ఎదుర్కొనేందుకు భ‌య‌ప‌డ్డాడ‌ట‌. ఆ బౌల‌ర్ ఎవ‌రో కాదు.. భార‌త పేస‌ర్ జ‌స్‌ప్రీత్ బుమ్రా. ఈ విష‌యాన్ని తాజాగా క్రిక్ ఇన్ఫోతో బ‌ట్ల‌ర్ వెల్ల‌డించాడు. ‘టీ20ల్లో నిన్ను భ‌య‌పెట్టిన బౌల‌ర్ ఎవ‌రు?’ అనే ప్ర‌శ్న‌కు అత‌ను.. ‘భార‌త ఫాస్ట్ బౌల‌ర్ బుమ్రా’ అని బ‌దులిచ్చాడు. పొట్టి క్రికెట్ ఫార్మాట్‌లో బ‌ట్ల‌ర్‌పై బుమ్రాకు మెరుగైన రికార్డు ఉంది. ఇప్ప‌టి వ‌ర‌కు టీ20ల్లో అత‌డిని ఈ యార్క‌ర్ కింగ్ నాలుగు సార్లు ఔట్ చేశాడు.

రెండు ఐసీసీ ట్రోఫీలు

ఇంగ్లండ్ జ‌ట్టు 2019లో తొలి ఐసీసీ ట్రోఫీ గెల‌వ‌డంలో బ‌ట్ల‌ర్ కీల‌క పాత్ర పోషించాడు. ఫైన‌ల్లో మొద‌ట బ్యాటింగ్ చేసిన న్యూజిలాండ్ 241 ర‌న్స్ చేసింది. ఈ మ్యాచ్‌లో బ‌ట్ల‌ర్ హాఫ్ సెంచరీ (59)తో రాణించాడు. బెన్‌స్టోక్స్ 89 ర‌న్స్‌తో నాటౌట్‌గా నిల‌వ‌డంతో మోర్గాన్ కెప్టెన్సీలోని ఇంగ్లండ్ వ‌న్డే వ‌ర‌ల్డ్ క‌ప్ నెగ్గింది. పోయిన ఏడాది బ‌ట్ల‌ర్ సార‌థ్యంలోని ఇంగ్లండ్ టీ20 వ‌ర‌ల్డ్ క‌ప్ ట్రోఫీ అందుకుంది. ఫైన‌ల్లో పాకిస్థాన్‌పై ఐదు వికెట్ల తేడాతో గెలిచింది. విశేషం ఏంటంటే.. 2016 ఐపీఎల్‌లో ముంబై ఇండియ‌న్స్‌కు ఆడిన బ‌ట్ల‌ర్, బుమ్రాతో డ్రెస్సింగ్ రూమ్ షేర్ చేసుకున్నాడు. ఆ త‌ర్వాత పంజాబ్, రాజ‌స్థాన్ రాయ‌ల్స్ ఫ్రాంఛైజీల‌కు ఈ ఇంగ్లండ్ కెప్టెన్ ఆడాడు. దాంతో, రెండోసార్లు టీ20 వ‌ర‌ల్డ్ క‌ప్ గెలిచిన జ‌ట్టుగా రికార్డు క్రియేట్ చేసింది.