INDvsAUS T20I: అర్ష్‌దీప్‌ను పొగుడుతూ ఆసీస్ సార‌థిని ట్రోల్ చేసిన పంజాబ్.. మిస్ ఫైర్ అవ‌డంతో గ‌ప్ చుప్

INDvsAUS T20I: ఇండియా - ఆస్ట్రేలియా మ‌ధ్య బెంగళూరు వేదిక‌గా జ‌రిగిన ఐదో టీ20 మ్యాచ్‌లో ఆఖ‌రి ఓవ‌ర్‌లో ప‌ది ప‌రుగుల‌ను డిఫెండ్ చేసిన అర్ష్‌దీప్.. ఆసీస్ సార‌థి మాథ్యూ వేడ్ వికెట్‌ను కూడా ప‌డగొట్టాడు.

INDvsAUS T20I: ఇండియ‌న్ ప్రీమియ‌ర్ లీగ్ (ఐపీఎల్‌) ఫ్రాంచైజీ పంజాబ్ కింగ్స్ త‌ర‌ఫున ఆడుతున్న అర్ష్‌దీప్ సింగ్ ను కీర్తిస్తూ చేసిన ట్వీట్ కాస్తా ఆ జ‌ట్టుకు మిస్ ఫైర్ అయింది. ఇండియా – ఆస్ట్రేలియా మ‌ధ్య బెంగళూరు వేదిక‌గా జ‌రిగిన ఐదో టీ20 మ్యాచ్‌లో ఆఖ‌రి ఓవ‌ర్‌లో ప‌ది ప‌రుగుల‌ను డిఫెండ్ చేసిన అర్ష్‌దీప్.. ఆసీస్ సార‌థి మాథ్యూ వేడ్ వికెట్‌ను కూడా ప‌డగొట్టాడు. అందుకు సంబంధించిన వీడియోను షేర్ చేస్తూ పంజాబ్ కింగ్స్ పెట్టిన ట్వీట్ కాస్తా ట్రోలింగ్‌కు గురైంది.

వివ‌రాల్లోకెళ్తే.. ఆదివారం నాటి మ్యాచ్‌లో ఆఖ‌రి ఆరు బంతుల్లో ప‌ది ప‌రుగులు చేయాల్సి ఉండ‌గా అర్ష్‌దీప్ వేసిన మూడో బంతిని భారీ షాట్ ఆడ‌బోయిన వేడ్‌, బౌండ‌రీ లైన్ వ‌ద్ద ఉన్న శ్రేయ‌స్ అయ్య‌ర్ చేతికి చిక్కాడు. ఈ వీడియోను పంజాబ్ కింగ్స్ షేర్ చేస్తూ.. ఈ లెఫ్టార్మ్ పేస‌ర్ పై కాదు మాథ్యూ వేడ్.. అని ట్వీట్ చేస్తూ ప‌రోక్షంగా పాకిస్తాన్ పేస‌ర్ ష‌హీన్ షా అఫ్రిదిని ట్రోల్ చేసింది. 2021 టీ20 వ‌ర‌ల్డ్ క‌ప్ సెమీస్‌లో అఫ్రిది వేసిన 19వ ఓవ‌ర్లో మాథ్యూ వేడ్ మూడు భారీ సిక్స‌ర్లు కొట్టిన విష‌యం తెలిసిందే. ఇదే విష‌యాన్ని ప‌రోక్షంగా ప్ర‌స్తావిస్తూ పంజాబ్ కింగ్స్ పెట్టిన ట్వీట్‌కు పాక్ ఫ్యాన్స్ కౌంట‌ర్ ఇస్తున్నారు.

 

Not against this 𝐥𝐞𝐟𝐭-𝐚𝐫𝐦 𝐩𝐚𝐜𝐞𝐫, Matthew Wade 😉pic.twitter.com/bggH4rZEdK

— Punjab Kings (@PunjabKingsIPL) December 3, 2023

పంజాబ్ కింగ్స్ పెట్టిన ట్వీట్‌పై ప‌లువురు పాక్ ఫ్యాన్స్ స్పందిస్తూ.. వ‌న్డే ప్రపంచ‌క‌ప్ ఫైన‌ల్ – 2023లో ట్రావిస్ హెడ్ సెంచ‌రీ చేసిన ఫోటోను షేర్ చేస్తూ.. అవును, ఈ లెఫ్ట్ హ్యాండ్ బ్యాట‌ర్ కాదు టీమిండియా.. అని ట్రోల్ చేస్తున్నారు. హెడ్ భార‌త్‌కు రెండు ఐసీసీ ట్రోఫీల‌ను దూరం చేయ‌డంలో కీల‌క పాత్ర పోషించిన విష‌యం తెలిసిందే. ఈ ఏడాది ఐసీసీ ఇంగ్లండ్‌లో నిర్వ‌హించిన వ‌ర‌ల్డ్ టెస్ట్ ఛాంపియ‌న్‌షిప్ ఫైన‌ల్‌తో పాటు వ‌న్డే ప్ర‌పంచ‌క‌ప్ ఫైన‌ల్‌లో కూడా హెడ్ సెంచ‌రీలు చేశాడు. దీంతో నెటిజ‌న్లు పంజాబ్ ట్వీట్ కాస్తా మిస్ ఫైర్ అయింద‌ని కామెంట్స్ చేస్తున్నారు.

 

Not THAT left handed batsman, team india.pic.twitter.com/Tzmuub5lA7

— Out of Context Pakistan (@Umairiology) December 3, 2023

 

Bat to she hain pic.twitter.com/T4fLWseChl

— Manum✨ (@InfoMahnoor) December 3, 2023