ICC Rankings | ఐసీసీ ఆల్‌టైమ్‌ టెస్ట్‌ ర్యాంకింగ్స్‌.. టాప్‌-20లోకి జో రూట్‌

ICC Rankings | ఇంగ్లండ్‌ క్రికెటర్‌ జో రూట్‌ మరో ఘనత సాధించాడు. ఐసీసీ ఆల్‌టైమ్‌ టెస్ట్‌ ర్యాకింగ్స్‌లో టాప్‌-20 చోటు దక్కించుకున్నాడు. 932 పాయింట్లతో ఆల్‌ టైమ్‌ టెస్ట్‌ ర్యాకింగ్స్‌లో 17వ స్థానాన్ని చేరుకున్నాడు. పాక్‌తో జరిగిన తొలి టెస్ట్‌లో తొలి టెస్ట్‌లో ఇంగ్లండ్‌ భారీ విజయాన్ని నమోదు చేసింది.

ICC Rankings | ఇంగ్లండ్‌ క్రికెటర్‌ జో రూట్‌ మరో ఘనత సాధించాడు. ఐసీసీ ఆల్‌టైమ్‌ టెస్ట్‌ ర్యాకింగ్స్‌లో టాప్‌-20 చోటు దక్కించుకున్నాడు. 932 పాయింట్లతో ఆల్‌ టైమ్‌ టెస్ట్‌ ర్యాకింగ్స్‌లో 17వ స్థానాన్ని చేరుకున్నాడు. పాక్‌తో జరిగిన తొలి టెస్ట్‌లో తొలి టెస్ట్‌లో ఇంగ్లండ్‌ భారీ విజయాన్ని నమోదు చేసింది. ఈ మ్యాచ్‌లో జో రూట్‌ సత్తాచాటాడు. ఈ మ్యాచ్‌లో అద్భుతమైన ఇన్నింగ్స్‌ ఆడిన జోరూట్‌.. తొలి డబుల్‌ సెంచరీని బాదాడు. పాక్‌పై 262 పరుగులు సాధించి తన ర్యాంకును మెరుగుపరుచుకున్నాడు.

ఇంతకు ముందు ఆల్‌టైమ్‌ టెస్టింగ్‌ ర్యాకింగ్స్‌లో ఆస్ట్రేలియా లెజెండరీ ఆటగాడు డాన్‌ బ్రాడ్‌మ్యాన్‌ 961 పాయింట్లతో టాప్‌-1లో ఉన్నాడు. ఆ తర్వాత స్టీవ్‌ స్మిత్‌, లెన్‌ హాటన్‌, రికీ పాంటింగ్‌, జాక్‌ హబ్స్‌, పీటర్‌ మే చోటు దక్కించుకున్నారు. ఇక వారి సరసన జో రూట్‌ స్థానం సంపాదించాడు. ఇక టీమిండియా మాజీ కెప్టెన్‌ విరాట్‌ కోహ్లీ సైతం ఈ క్లబ్‌లో కొనసాగుతున్నాడు. ప్రస్తుతం విరాట్‌ కోహ్లీ ఈ క్లబ్‌లో 937 పాయింట్లతో 12వ స్థానంలో ఉన్నాడు. ఇదిలా ఉండగా.. ఐసీసీ తాజా టెస్ట్‌ ర్యాంకింగ్స్‌లో జో రూట్‌ అగ్రస్థానంలో కొనసాగుతున్నాడు. పాక్‌తో జరిగిన తొలి టెస్ట్‌ మ్యాచ్‌లో అజేయమైన డబుల్‌ సెంచరీని సాధించాడు. ముల్తాన్‌ టెస్ట్‌లో 375 బంతులను ఎదుర్కొన్న రూట్‌.. 17 ఫోర్ల సహాయంతో 262 పరుగులు చేశాడు.